陳子聰

陳子聰（Conroy Chan；1972年11月30號—），祖籍廣東省清遠市，係香港演員、歌手、Hip Hop歌手、監製、終極運動X-Game推廣者同埋前模特兒。佢演出過多部電影，其中主演嘅短片《太太》，角逐2002年康城國際電影節最佳短片獎。2005年，佢監製《四大天王》兼同吳彥祖、尹子維同埋連凱一齊炮製轟動一時嘅ALIVE樂隊，榮獲香港電影金像獎最佳新導演獎同埋提名最佳原創音樂獎。2006年佢加入饒舌樂隊廿四味。2008年佢同老婆何超儀同埋黃佑穎成立852電影公司。2010年監製嘅《維多利亞壹號》於香港上映，更入圍多個國際電影節。