陳叔寶

陳叔寶（553年—604年），係南陳第五位皇帝，亦係南陳最後一個皇帝，582年到589年在位，史稱陳後主、長城煬公。

陳後主陳叔寶

陳後主唔止荒淫好色，重熱衷飲酒同埋詩文，所以佢身邊聚集咗一批文人騷客，呢啲成日陪住陳後主舞文弄墨嘅人包括咗尚書令江總（江總持），呢啲朝廷命官唔理政治，日日同陳後主一齊飲酒、作詩、聽曲。

陳後主作咗好多樂府詩，例如：《雉子斑》、《臨春樂》、《金釵兩須垂》、《黃驪留》及《玉樹後庭花》等。其中《玉樹後庭花》最出名，據說呢首曲係靡靡之音，好好聽，不過佢寫咗呢首曲之後冇耐，陳國就滅咗國，所以《玉樹後庭花》自古以來都俾人叫做「亡國之音」。可惜，呢首曲既音樂部分已經失傳咗，只係淨番啲詞：

   麗宇芳林對高閣，新裝豔質本傾城。
   映戶凝嬌乍不進，出帷含態笑相迎。
   妖姬臉似花含露，玉樹流光照後庭。
   花開花落不長久，落紅滿地歸寂中。

評價

• 隋文帝楊堅：陳叔寶嘅失敗都係同飲酒有關，如果佢將寫詩、飲酒嘅功夫用喺治國上面，點會有咁嘅悲慘下場？當賀若弼進攻京口嗰陣，邊人告急，佢重喺度飲酒，唔瞅唔睬；高熲攻打南陳宮殿，見到封告急文書重喺床下底，連封皮都冇拆到，真係愚蠢、可笑到一個點，南朝滅亡，絕對係天意呀！