![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/1d/View_of_Almaty_from_the_hills.png/640px-View_of_Almaty_from_the_hills.png&w=640&q=50)
阿拉木圖
From Wikipedia, the free encyclopedia
![Thumb image](http://upload.wikimedia.org/wikipedia/commons/thumb/1/1d/View_of_Almaty_from_the_hills.png/640px-View_of_Almaty_from_the_hills.png)
阿拉木圖(哈薩克文:Алматы)係哈薩克舊首都、最大城市同埋主要嘅商業中心。因為阿拉木圖嗰頭種蘋果,所以個名其中一個意思係蘋果城。阿拉木圖喺哈薩克東南部靠近吉爾吉斯邊境,有國際機場。
阿拉木圖喺清代叫古爾班阿里瑪圖,係嗰陣中國疆域入面新疆伊犁嘅一個聚落。1854年,一隊由俄羅斯鄂木斯克出發嘅西伯利亞哥薩克軍隊喺天山山腳地區起咗一座城堡,叫Zailiysky,一年後改叫Verny。1864年,俄國用中俄勘分西北界約記由中國攞咗呢度。1911年,阿拉木圖發生咗一場大地震,只得一座東正教教堂喺大地震之後重嚮度。1920年代,土耳其斯坦-西伯利亞鐵路起好之後,阿拉木圖係其中一個主要嘅中途站。
1921年,阿拉木圖改名做 Alma-Ata(Алма-Ата)。1929年,阿拉木圖做咗哈薩克蘇維埃共和國嘅首都。1991年,獨立國家聯合體成立嘅簽署儀式喺阿拉木圖進行。喺1998年遷都阿斯塔納(今努爾蘇丹)之前,阿拉木圖係哈薩克嘅首都。
阿拉木圖係中國音樂家冼星海(1905-1945)逝世嘅地方。為咗紀念佢,1998年10月7號弗拉基米爾大街改名叫冼星海大街。
阿拉木圖曾申請主辦2014年冬季奧運會、2022年冬季奧運會,但入唔到決選。
阿拉木圖有哈薩克國立大學同哈薩克科學學院,喺1991年蘇聯解體後起嘅總統府亦喺嗰度。