32°47′N 129°52′E
長崎(日音ながさき;拉丁寫法 Nagasaki;讀似那加剎奇)係日本九州一城市,坐響日本西便一個灣,係重要港口,造船發達。行政上叫長崎市(日音ながさきし;拉丁寫法Nagasaki-shi),亦係大啲嘅長崎縣縣城。
長崎好早就西方文化影響,有好多歐式屋,亦都多天主敎徒。長崎亦係甲午戰爭同日俄戰爭日本皇家海軍基地。佢最為人所知係1945年8月9號俾第二粒原子彈肥佬炸過,每年都會紀念呢日。
2007年尾計,長崎市有 338.72 平方千米大,人口 44 萬 8882。
唐人好早就響長崎落戶,長崎新地中華街,係日本三大唐人街之一,排喺橫濱中華街同神戶南京町之後。