西貢半島

西貢半島係香港新界東面一個半島。半島個名係來自中間南岸嘅西貢。雖則佢叫西貢半島，但係行政上分屬三個區，南面係西貢區，北面係大埔區，而西北面就係沙田區。

西貢半島同附近離島都係靠街渡(渡音島)來往。

西貢半島絕大部份都係鄉下地方，唔似其他地方好似變市區。成個半島差唔多都係郊野公園。而佢東北岸個海下灣重係法走海岸公園，受到保護。西貢半島係行山好去處，有成100千米嘅麥理浩徑就響南面北潭涌開始。

呢度有好多水上活動玩，好似獨木舟、潛水、游水。海下灣重係落水睇珊瑚好地方 ，啱晒潛水新手。

半島中南岸，西貢有好多漁村，海邊有好多海鮮賣，有唔少餐廳，有天后廟，亦有好多人中意幫襯嘅滿記甜品。

北岸黃石係燒烤勝地，好多人來睇景。不過為咗保護環境，北潭涌到黃石限制車入，無批準係唔畀入。

西貢半島周圍好多島，例如滘西洲、橋嘴島、糧船灣洲、白沙洲、羊洲，鹽田仔等等。夏天好多人坐街渡或者舢舨出牛尾海。