From Wikipedia, the free encyclopedia
蠟燭,又叫洋燭,係用蠟或其他燃料製成,中有燭芯,點火之後可以繼續燒嘅用品。
蠟燭一般用嚟照明,但喺電力革命之後逐漸俾電燈取代,而家蠟燭多數係停電時用嘅。節日或其他特別日子同宗教場所等都會用到蠟燭。集會或集體悼念活動,都會用上蠟燭。中國嘅傳統婚禮會點紅燭,以示喜慶;喪禮就點白燭。
蠟燭本來係用動物嘅油脂,通常係牛肥膏或蜂蜜蠟製成。現今通常已改用石油副產品石蠟來整。
蠟燭最早喺公元前30世紀嘅古埃及出現,古埃及人將蘆葦插喺融咗嘅牛肥膏製成蠟燭。直到中世紀,南歐同地中海沿岸嘅蠟燭仍然係由牛肥膏同羊肥膏製成。中國南唐時期,南唐烈祖李昪下令以出產喺江浙一帶嘅柏樹油取代動物油製成蠟燭[未記出處或冇根據],令佢製作價格大跌,令蠟燭從此喺中國得以普及。