航空母艦
From Wikipedia, the free encyclopedia
航空母艦(簡稱航母、航艦)係一種以搭載艦載機為主要武器嘅軍艦,艦體通常擁有供固定翼飛機起降使用嘅巨大甲板同座落於左右其中一側嘅島式艦橋(一般稱為「艦島」)。航艦係航空母艦戰鬥群嘅核心,艦隊中嘅其它船隻提供其保護同供給畀,而航母則提供空中支援同遠程打擊能力。航空母艦係目前最大嘅武器系統平台,發展至今已係現代藍水海軍唔可或缺嘅武器,亦係海戰最重要嘅作戰艦艇之一。
航空母艦起源於第一次世界大戰期間飛機作戰能力實用化後嘅影響,喺各國航空技術進步、進而使陸基飛機有能力攻擊地面目標嘅同時,海軍亦用飛機來進行偵查與攻擊敵軍偵察機,因此出現咗專門供水上飛機整備與其它雙翼機起飛嘅水上飛機母艦。一戰後,各大海軍強國主要仍維持著崇尚排水量大、裝載大口徑艦砲軍艦嘅大艦巨砲主義,但即使如此仲係有唔少軍事理論家提倡將飛機用於攻擊軍艦嘅作法,因此研製出多種形式嘅航空母艦、奠定未來海空兵力嘅發展。 第二次世界大戰爆發後,航艦嘅重要性日益浮現,而喺珍珠港事件以及馬來亞海戰嘅結果中顯示,大型軍艦喺飛機嘅空中攻擊下十分脆弱,大艦巨砲主義亦因此走向終結,到咗戰爭後期仲出現瞭如雷伊泰灣海戰此類嘅航艦大戰。
二戰結束後,航空母艦嘅地位一度因為核武器嘅出現而產生爭議與討論,特別係喺受到核子武器攻擊下嘅生存能力,但到咗韓戰後又恢復咗其重要性,世界形成以美國為首嘅航艦武力對抗蘇聯水面艦艇部隊嘅格局,航空母艦更係參與咗世界各地嘅局部衝突與代理戰爭。冷戰結束後,世界各國軍備緊縮,目前僅美國、俄羅斯、英國、法國、印度、巴西、義大利、西班牙、中國、泰國擁有或計畫建造航空母艦,由於其造價與維護費用巨大,擁有航空母艦亦係顯示國力強大嘅表現,喺呢方面美國海軍即擁有世界上冚唪唥已服役航艦總數嘅一半,排水量則佔咗超過80%,其相關科技亦係世界領先。
Template:軍事