興芳路

興芳路，香港一路，喺新界葵涌，行政上歸葵青區。佢顧名思義，由葵興去到葵芳，途徑葵興邨同葵芳邨。但唔止咁少，佢北起葵涌中心、過葵興地鐵站，過林士德體育館，過葵涌運動場同新都會廣場，到葵青交匯處止，大致上一直綫咁走，北向南走，稍為偏西。

興芳路有好多路口，北向南數，近葵涌中心，同葵興路交界，近興芳路花園，同大窩口道交界。過咗花園，同葵益道交界。過興芳路遊樂場，同榮芳路交界。過京寶大廈，同智芳街交界。不過智芳街只行人。近葵涌廣場，同葵富路交界。近新都會廣場，同興寧路交界。過葵青劇院，同葵福路交界。到葵青交匯處，同荃灣路、葵青路交界。

入葵興地鐵站嘅車，都由興芳路入，葵興路出。

文