脊椎動物
From Wikipedia, the free encyclopedia
脊椎動物亞門(學名:Vertebrata;拉丁文詞根『vertebra』意思係脊椎骨),係動物界脊索動物門下嘅一個亞門。目前所知最早嘅脊椎動物係中國雲南省昆明發現嘅豐嬌昆明魚,距今約5.2億年前。
More information 物種分類, 演化支 ...
Close
同節肢動物殼生喺體外或軟體動物無骨骼唔同,脊椎動物亞門嘅動物嘅脊椎係包喺骨頭入面,係脊索動物門中最大同最多樣化嘅亞門。呢個亞門嘅成員擁有嘅肌肉大多數係一對一對嘅。神經系統有一部分喺脊樑骨中間。循環系統較完善,有心臟可以促進血液循環。脂肪組織係絕大多數脊椎動物特有嘅構造,令佢可以一段時間唔進食,而唔會能量耗竭而死。
脊椎動物亞門動物嘅脊椎係體內骨,有軟骨都有硬骨。喺動物成長時,呢個骨架支持體型。因此脊椎動物可以生得大隻過無脊椎動物,而且平均體量都比較大。