![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/7b/The_visit_of_the_wise-men.jpg/640px-The_visit_of_the_wise-men.jpg&w=640&q=50)
聖誕節
From Wikipedia, the free encyclopedia
聖誕節係基督敎紀念耶穌出世嘅日子,響12月25號。雖然一直有人誤會呢一日係耶穌生日,但係近年查實,係敎會將西方原本冬至之後嘅各地風土宗敎慶祝活動,變為基督敎節日。雖然呢個係宗敎節日,但係因為呢個節日主張去祝福人,送嘢畀人,祥和,開心同家庭團聚,所以就算唔多信徒嘅地方都好重視。有人話其實耶穌係響6月出世嘅,而且唔係響公元1年,而係公元前6年。
![](http://upload.wikimedia.org/wikipedia/commons/thumb/7/7b/The_visit_of_the_wise-men.jpg/640px-The_visit_of_the_wise-men.jpg)
![](http://upload.wikimedia.org/wikipedia/commons/thumb/5/58/South_Coast_Plaza_%282013%29_01.jpg/640px-South_Coast_Plaza_%282013%29_01.jpg)
響20世紀後期,個節日配合商業活動同好多非基督徒慶祝,宗敎氣氛已經大為轉淡。
聖誕節前一晚,即係12月24號晚叫平安夜。而之後嗰日,12月26號叫拆禮物日(Boxing Day)。
東正敎嘅聖誕節都係12月25號,不過係用儒畧曆計,目前相等於額我畧曆嘅1月7號。
喺一啲傳統宗派,例如天主教,聖誕節技術上係十二日嘅節慶,叫聖誕期,由聖誕節正日(計埋平安夜)開始,直到主顯節之前嗰日,每日有唔同嘅紀念。