紀子

文仁親王妃 紀子（文仁親王妃紀子‎, ふみひとしんのうひ きこ^?）（1966年9月11號—，即生於昭和四十一年），原名川嶋紀子（かわしま きこ），秋篠宮文仁親王嘅老婆，川嶋辰彥同川嶋和代嘅大女，前內閣統計局長川嶋孝彥大孫女。學習院大學文學部心理學科畢業，佢嘅徽印係檜扇菖蒲。家下係肺結核預防會總裁、日本紅十字會名譽副總裁。

紀子妃 (2015)

秋篠宮文仁親王（左）同埋秋篠宮妃紀子（右）

1966年，川嶋紀子喺靜岡市嘅靜岡濟生會綜合醫院出世。

1990年（平成二年）6月29號佢同秋篠宮文仁親王結婚。

1991年（平成三年）10月23號生咗大女秋篠宮真子。

1994年（平成六年）12月29號生咗二女秋篠宮佳子。

2006年（平成十八年）2月7號，日本宮內廳正式宣布佢懷咗第三胎。同年9月6號清晨，喺愛育醫院開刀生咗大仔秋篠宮悠仁。呢個仔就成為咗日本天皇第三順位繼承人（2019年5月1號升為第二順位繼承人）。