石澳

石澳（粵拼：sek6 ou3）係香港一笪地方，喺香港島東南面，東面對海。佢夾埋石澳郊野公園同鶴咀響石澳半島上面，自成一角，面向南中國海。石澳景色優美，環境清靜，唔少粵語流行曲嘅音樂短片都會去呢度取景。行政上，選區上係響南區嘅赤柱及石澳（D17）。

（鏡頭向東）石澳半島，半島突出嘅岬角係石澳山仔。對開海面左起分別係冇名嘅礁石、大頭洲、五分洲。

  提示：呢篇文講嘅唔係石澳 (新界北)。

石澳泳灘

石澳泳灘位於香港島東南部。根據環境保護署嘅泳灘等級制度，石澳泳灘屬於二級泳灘，水質一般。泳灘水清沙幼，鄰近有食肆同燒烤場。所以，好多人趁假日到呢度暢泳、燒烤。另外，灘上嘅峭壁都係攀岩嘅好地方。

石澳泳難地處偏僻，交通唔方便，得新巴9號綫，由筲箕灣開到。泳灘附近設有唔少停車場，一啲人都會揸私家車去。

由於石澳遠離煩囂，石澳泳灘周圍嘅環境重保留住自然風貌。呢個係石澳吸引嘅地方。

石澳磷光 (海火)

年年初春，西曆二三月，石澳正灘出現海火，泛磷光，一年只有一次。^{[未記出處或冇根據]}

交通

石澳道──連接大潭道，通去赤柱同柴灣。

石澳設有免費嘅公共停車場。

新世界第一巴士

• 9號 - 去筲箕灣
• N9 - 去筲箕灣（袛喺中秋節、聖誕節及元旦前夕深夜同第二日凌晨行）

小巴

• 紅色小巴：筲箕灣—石澳

睇埋

• 香港海灘

參考

出面網頁

• YouTube上面嘅4K航拍石澳

22.230555555556°N 114.25194444444°E / 22.230555555556; 114.25194444444