個人理財
From Wikipedia, the free encyclopedia
個人理財可以好撈絞:响廿一世紀初嘅社會,一個普通人做理財嗰陣,就起碼要諗到預算、保險、供樓、交稅、退休、儲蓄同投資等嘅咁多唔同事務;當中(例如)淨係投資就經已要考慮「用咩金融產品」或者「靠咩策略嚟投」噉嘅問題-股票、債券同外匯等嘅唔同產品各有優缺點,一位投資者要識揀啱自己用嘅產品先能夠有效噉長遠賺到錢;供樓同交稅等嘅嘢都一樣可以好撈絞[2][3]。
因為個人理財咁複雜,有唔少人都會為咗達致自己嘅財政目標而走去研究理財嘅嘢[4],甚至仲會俾錢請受過專業訓練嘅理財計劃師同律師,搵佢哋幫手度橋做個人理財[5]。