珠江三角洲

珠江三角洲、珠三角灣區（簡稱珠三角）範圍包括珠江嘅西江、北江同東江入海時沉澱而成嘅三角洲，面積大約一萬平方公里。近年來發展由廣東珠江口、香港同澳門為經濟軸心嘅粵港澳大灣區（Guangdong-Hong Kong-Macao Greater Bay Area）。

珠三角衛星圖，2014年由NASA地球觀測站影

史一覽

名

珠三角嘅名舊時未有人叫過。喺1915年瑞典嘅工程師柯維廉到咗廣東，負責治理珠江流域嘅水患。柯考察咗廣東嘅三江，喺珠江主流下游羚羊峽口外、廣利圍平原發現咗埋葬嘅蠔殼，證明呢度曾經喺海底。柯由此認為，廣州至澳門一帶嘅平原原先都係海灣，收尾因為三江沖積嘅泥沙而形成咗三角洲，就將呢片平原改名做「廣州三角洲」。後尾有其他嘅外國學者來訪，考察過香港同廣州之間嘅河口灣、三角洲後，就寫文稱之為「珠江三角洲」^[1]。

地理

據研究，喺更新世距而家2000年左右，佛山、西樵山一帶先開始變成陸地，而珠江北岸、海珠島南岸都跟著發育，珠江嘅河網就慢慢有咗個框架。秦漢到南漢時期，由瀧水、江門、沙灣到東莞一線就係海岸線，三角洲平原係好慢咁伸展，唔少沼澤地隨著海水氾濫而堆高、擴大，積成咗淺海地帶。海岸以北嘅河網仲好寬闊。公元996年開始，平原地帶出現咗修堤圍嘅記載，莞城以上嘅沿岸就起咗桑園圍、羅格圍、東江堤等大圍田。不停嘅填海起堤圍，加大咗陸地嘅面積擴展。喺沙灣以南，甘竹灘以下嘅小欖、大黃圃，江門會城以南，石龍、東莞以下地帶，都係後尾啲泥沙迅速堆積嘅位置^[1]。

到明清時期，由於商業化發展夾埋圍填嘅經驗積累，造圍成田嘅規模又是擴大咗。明代陣嘅西、北江三角洲前緣，係推到咗磨刀門附近。而黃楊山、竹篙嶺、五桂山同南沙等島嶼，都同陸地接埋咗。到咗清代三江嘅口門發育埋，基本形成咗八大門格局，口門之間嘅海灘都係慢慢咁擴大。尤其到咗清代中葉後，平原嘅圍填活動最為密集，喺萬頃沙、南沙、東海、西海等地都有自然嘅積沙同人工嘅圍填。三角洲平原嘅面積喺呢陣時係擴大得好犀利^[1]。

唔同嘅定義

地理上

• 珠三角地理範圍包括：
• 大灣區地理範圍包括：

經濟體

• 珠三角經濟圈，包括：
• 大灣區經濟圈，包括：

政治利用

中國大陸改革開放過去幾十年，珠三角一直視為「南方經濟」。珠江三角洲喺廣東省，包括咗廣東省嘅廣州、深圳、珠海、佛山、東莞、中山、江門、惠州（淨係包含惠州市區、惠陽、惠東、博羅）、肇慶（淨係包含肇慶市區、鼎湖、高要、四會）九個市，係中國人口密度最高嘅地區之一，亦係中國南部嘅經濟、文化中心。地理上以香港、澳門、廣州為中心。

2017年3月第十二屆全國人民代表大會上，李克強總理會上提出新名，叫「粵港澳大灣區」，連同一個經濟圈「新概念」。「大灣區」目的係比過去更進一步推動中國大陸同香港、澳門兩個特區嘅合作。大灣區範圍包括香港、澳門同廣東其中九個珠江三角洲城市：廣州、深圳、珠海、佛山、東莞、中山、江門、惠州（成個）同肇慶（成個），務求將佢打造成繼美國紐約灣區、三藩市灣區同日本東京灣區後全世界第四大灣區。

睇埋

• 珠江口
• 粵港澳大灣區

出面網頁

• 粵港澳大灣區建設

1. 溯源珠江三角洲的形成历史 毛帅 中国社会科学网-中国社会科学报 2018-05-04