提示:呢篇文講嘅唔係
王晶。
王征(1963年7月23號—),本名盛承宗,係中國地產界企業家、前任亞洲電視執行董事高級顧問、榮豐控股董事長,全國政協委員、中國國民黨革命委員會中央委員會委員、北京市政協副主委。
王征祖籍江蘇常州,有人話佢係大清實業家盛宣懷嘅曾孫。王征入主亞洲電視之後澄清過,佢的確係盛家第四代,但係唔係盛宣懷嘅曾孫,佢太爺其實係盛宣懷嘅堂細佬盛葵蓀。
王征阿爺盛觀頤,阿爸盛毓南,阿媽係八路軍老戰士王雲飛(王征跟阿媽姓),家姐盛小寧。
王征1981年考入華東師範大學俄語系,畢業之後移民香港,攞到香港公民身份。1992年,因為用上海南京路一塊90,000平方米嘅地皮賺咗1.7億緡人民幣,而成為上海房地產界嘅「神話」。1998年喺北京開展地產事業。