![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/b0/Copyright.svg/langzh-yue-640px-Copyright.svg.png&w=640&q=50)
版權
From Wikipedia, the free encyclopedia
版權(粵拼:baan2 kyun4)係知識產權,令一項原作作品嘅作者有獨有權利去控制出版、分發同改用,可以用喺所有意念或資訊嘅實質表達上。版權嘅目的係畀作者控制個作品嘅收益,鼓勵創作以增加意念嘅流通。
![Thumb image](http://upload.wikimedia.org/wikipedia/commons/thumb/b/b0/Copyright.svg/170px-Copyright.svg.png)
隨住伯爾尼公約受到國際廣泛承認,版權保護成為標準,大多數政府都承認,完成作品唔使登記就自動有版權。匿名創作或企業創作可以享受出版後一段時間嘅版權,而真名創作享受終身版權保護,另外再加死後一般時間嘅保護。唔少政府都立法限制版權,容許「合理使用」同畀一般使用者一啲例外許可。
侵權行為大多數都係民事爭訟,但亦有刑事爭訟。隨住互聯網同數碼媒體興起,點對點檔案分享被廣泛使用,要拉侵權要用多好多人力物力,而版權嘅哲學亦受到重新檢驗。依賴版權嘅公司作出反擊,推出更多版權保護科技同埋立法打擊規避保護科技嘅行為。
喺中文官話,版權亦被稱為著作權。