From Wikipedia, the free encyclopedia
澳門培正中學(英文:Pui Ching Middle School;葡文:Escola Secundária Pui Ching)係澳門一間以母語授課嘅中文中學。原本係廣州培正中學喺澳門開設嘅分校。
1938年,因為抗日戰爭嘅關係,廣州培正全體師生遷校到澳門,等培正唔使因為戰亂而停辦,呢個又被視為澳門培正嘅開始。
1889年,李濟良、馮景謙、廖德山、李賢士同楊海峰等人為實現興辦新學,籌劃興辦華人基督教學校。融入基督教教義,並按照《聖經》十誡,免學童入塾跪拜偶像。學校取名「培正書院」,意義取「培植教會子弟,免送俗塾,有失正虞也。」創校頭30年,多次因財政困乏差啲停辦。
1907年,培正喺廣州東山買地起校舍,為長遠辦學作出計劃。直至1915年,學校陷入嚴重財困。張立才同張新基發起「培正維持會」,楊海峰曾經講:「寧我儕先培正而死,勿令培正死於我儕之手。」
1918年,培正舊生黃啟明接任校長,並受校董會命令於創校30週年期間前往國外籌款十五萬,以作培正未來發展之用。
九一八事變後,日軍屢犯中國國境,培正員生負起抗日救國職志,組織宣傳隊宣揚愛國思想。
1938年1月,學校由廣州遷址至澳門,以保培正教育事業。戰火期間,喺澳門、鶴山、坪石、桂林、湖南同江西都有培正員生上堂,保持教學質素。培正員生喺外面更投入抗戰工作,包括繼續組織宣傳隊傳播愛國思想、向難童提供免費學額嚟幫佢哋學業等、發起「每人每日一仙捐款運動」、「節衣運動」及「募集寒衣運動」。
1939年,黃啟明校長喺香港過身。
1945年8月,抗戰勝利,培正隨即進行復員工作,澳門員生分批返返廣州。幾個月之間,廣州同香港兩地校舍之後回收。
澳門方面,繼續以分校形式留設小學,由趙璧蘭(黃啟明校長遺孀)出掌主任。
1947年,澳校重設初中。
1949年,為慶祝成立十周年紀念,特新建教室四間。
1950年,喺澳門嘅「私立廣州培正中學澳門分校」正式正名為「澳門培正中學」,李炎玲出任校長。
1953年,李炎玲校長調職,傅漁冰接任校長,並喺同年開辦高中。
1962年,傅漁冰校長離職,林湛繼任校長。林湛校長在任期間,因澳門受經濟衰退同社會動盪不安嘅時局影響,師生合力喺困難中謀求發展,嚟穩定校務。同年,澳校率先改中學五年制,由中一開始實施,並喺1967年秋開辦中六(大學預科)課程。林湛校長籌建「七十五周年紀念堂」,喺1972年啟用。
1974年,林湛校長榮休,鄺秉仁接任校長,並提出三大辦學方針,嚟配合學校發展需要。包括:
1976年,鄺秉仁校長獲澳督委任為第一屆立法會議員,喺1980年連任,喺1981年獲葡國總統頒授公共教育文職功績司令級勳章,嚟表彰佢對澳門教育嘅貢獻。
1985年,鄺秉仁校長榮休,康顯揚接任校長,秉持澳門培正辦校三大方針,並喺原有嘅基礎上繼續發展。
1995年,康顯揚校長榮休,李祥立接任校長,並喺培正百年輝煌嘅基礎上,銳意提高母校師生嘅學術水平,支持教師專業發展,出版《培正學報》;鼓勵師生合作,開展各科嘅研究型課程,並提倡利用資訊科技輔助教學,建立各科嘅網上學習平台。
2003年,澳校以「繼續開來,與時並進」嘅理念,訂定「發展優質教育,創建美好校園」發展計劃。
2006年,李祥立校長榮休,高錦輝接任校長。
2012年,開始起FABLAB創新科教館,並開始有設計科學課程。
2015年夏,C座教學大樓進行外牆瓷磚翻新工程,由啡色改成黃色。
澳門培正包括幼稚園、小學及中學部,全校學生人數超過三千二百人,教職員逾二百四十位。
學制上,幼稚園實施三年制、小學六年制同初、高中各三年制。澳門培正係一間文法中學,實行母語教學。
畢業生以升學為主,每年有95%以上考入國內外同澳門等地嘅大專院校深造。
幼稚園至中學各級設有信、望、愛、善、正五班,其中高中嘅信、望係理組班,愛、善係文商組班,正係文理組班。
培正秉承「至善至正」嘅校訓,堅持「德智體群美靈,六育均衡發展」嘅教育目標,積極貫徹「提高教學質量,改善學習環境,保持嚴謹校風」嘅辦學方針。
校址位於高士德大馬路,佔地七千五百平方公尺。
校園中央矗立有A座行政大樓,原本係盧家住所,古色古香,建築別具風格,俾中國政府列為建築及文化遺產。先後興建嘅五棟教學大樓,每層走廊設有花槽,綠化同美化校園。
校園內設置有各種設施,供教學同活動嘅用途,包括:
操場
B座
D座
E座
|
H座
|
中小幼各班課室設有投影機、電腦、無線Wifi盒等,方便教學。
目前,澳門培正根據「創建美好校園」發展計劃,積極更新教學硬體設備,已經完成E座教學大樓嘅翻新工程,B座重建工程亦已經竣工同命名為「創校115周年紀念大樓」。自2007年起,喺原來小食部同F座嘅位置興建十層高嘅H座,喺2009年落成使用並命名為「創校120周年紀念大樓」。
文藝類
|
體育類
其他
|
成立級社係培正嘅傳統,每一個畢業班年級都喺小五年級成立級社,社名由穗、港、澳三地嘅培正學生投票決定,社旗由港澳學生以習作方式輪流設計。設立級社嘅目的係要薪火相傳,並聯繫畢業後嘅舊生,令大家聚首一堂。
|
|
|
|
|
(年份按照香港培正中學畢業生嘅畢業年份) 管理架構
學校標識校色校色分為紅色同藍色,學生俾人稱為「紅藍兒女」,而學校嘅優良傳統俾舊生稱為「紅藍精神」。
校訓—至善至正有中西文化合璧嘅意味。 基督教意義:
校徽校歌荷蘭(原英國)作曲家Henry Litolff作咗一首《Concerto Symphonique No.3》,其中第四樂章Furioso開始由急促鋼琴同管弦樂競美下,引出管弦樂奏出雄壯培正校歌嘅旋律,隨後鋼琴用變奏方式將呢個旋律發揮落去,全長約七分半鐘。作者從英國監獄逃咗出來,得到荷蘭庇護,所以就感激咁將荷蘭國歌嵌入呢段樂段,算係目前史上能獲得有關校歌完整旋律嘅唯一音樂。 呢首國歌係1815年嘅得獎作品,作為紀念1781年英荷北海海戰,原名《Wien Neerlands bloed door d'adeeren vloeit》,作者係定居阿姆斯特丹嘅Johann Wilhelm Wilm,後來被選為荷蘭國歌,而家已經廢咗。 目前三地學校一般只唱誦第二版校歌嘅第一段,用廣州話唱。 歌詞:
校旗歌喺培正同學進行如聚會、比賽等活動時作激勵士氣嘅用途,相當於啦啦隊歌。 歌詞:
校園風貌歷任校長
(只列出喺澳校從廣州分校獨立經營後上任嘅培正校長) 舊生出面網頁 |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.