From Wikipedia, the free encyclopedia
|
|
目前無外借球員。
更新到2014年2月25號[1]
職位 | 粵語姓名 | 外文姓名 | 國籍 |
---|---|---|---|
總教練 | 卡爾·羅賓遜 | Carl Robinson | ![]() |
助理教練 | 珀馬田 | Martyn Pert | ![]() |
體能教練 | 戈敦·科利斯特 | Gordon Forrest | ![]() |
守門員教練 | 馬遼斯·略夫德 | Marius Røvde | ![]() |
錄影分析師及球探負責人 | 丹尼爾·舒騰茨 | Daniel Stenz | ![]() |
任職時間 | 粵語姓名 | 外文姓名 | 國籍 |
---|---|---|---|
舊聯賽(加足聯、美職足聯、A級聯賽、聯合足聯甲組)時期 | |||
1987年-1993年 | 羅拔·里納杜慈 | Bob Lenarduzzi | ![]() |
1994年-1999年 | 卡爾·華倫泰因 | Carl Valentine | ![]() |
2000年-2001年 | 地爾·威廉·米秋 | Dale William Mitchell | ![]() |
2002年-2004年 | 安東尼奧·豐些卡 | António Fonseca | ![]() |
2005年-2007年 | 波布·利利 | Bob Lilley | ![]() |
2008年-2011年 | 提圖勒·索達勒遜[2] | Teitur Þórðarson | ![]() |
大聯盟時期 | |||
2011年-2011年5月30號 | 提圖勒·索達勒遜 | Teitur Þórðarson | ![]() |
2011年5月30號-2011年10月25號 | 湯馬士·商 | Tom Soehn | ![]() |
2011年10月26號-2013年10月29號 | 馬田·倫尼[3] | Martin Rennie | ![]() |
第一支叫做「溫哥華白浪」嘅球隊係喺1973年12月11號成立嘅。最初嘅投資者包括:哈勞德·卡樸慈(後來成為總裁)、德尼·菲弛(後來成為總教練)、活禾德百貨公司嘅東主查爾斯·N·活禾德、律師查克·韋爾斯、卑詩軸承工程公司嘅總裁溫迪·麥當努、以及查理·布朗牛扒餐廳嘅東主派崔克·麥古利亞里同哈利·毛[4]。
根據溫哥華白浪嘅官方解釋,「白浪」爾個名喺德尼·菲弛諗出來嘅:喺一個天晴嘅晏晝,德尼·菲弛揸車通過獅門橋嘅時候,見到橋下邊嘅白浪,又見到遠方山頂白色嘅雪,好似啲山峰戴徂白色嘅帽恁樣(英文「whitecaps」一個詞嘅時候指白浪,但係拆成兩個詞「white caps」嘅時候就解做「白色嘅帽」),於是就諗到徂「Whitecaps」爾個名[5]。
1974年,溫哥華白浪開始喺北美足球聯賽作賽。1979年,經過幾年嘅磨練之後,溫哥華白浪贏到球會歷史上第一座聯賽冠軍獎盃「足球碗」——先係爆冷擊敗當時公認嘅奪冠大熱門紐約宇宙,再係喺紐約擊敗另一支強隊譚帕灣狂人。爾個時代嘅溫哥華白浪亦都培育出徂好多當時街知巷聞嘅明星,包括蕭華諾·里納杜慈、李斯·帕遜斯同古靈·莊遜等等,其中唔少更加為加拿大國家隊上過陣。經歷過季後賽洗禮嘅溫哥華,對足球嘅熱情驟然飆升。每當溫哥華白浪打主場比賽嘅時候,帝國大球場幾乎都一票難求,更經常出現門票售罄嘅現象。
1983年,喺帝國大球場打徂9年足球之後,溫哥華白浪將主場搬徂去容量更大嘅卑詩大球場。1983年6月20號,溫哥華白浪喺主場迎戰西雅圖海灣人嘅比賽,入場人數高達60342人[6],創徂加拿大歷史上觀戰人數最多嘅足球賽嘅紀錄。爾項紀錄直到2012年先至被滿地可衝擊打破[6]。不幸嘅係,北美足球聯賽喺1984賽季之後終止運作,溫哥華白浪亦都被迫折埋。
1985年11月,由社區組建嘅「西海岸足球社」開始喺溫哥華組建一支新球隊。新球隊個名叫做「溫哥華86人」,起爾個名嘅原因有三個[7]:
86人嘅股東試過好多次想將「白浪」爾個名買返來畀支新球隊用,但係每次「白浪」嘅擁有人都唔係無興趣做買賣,就係獅子大開口[8]。雖然係恁,但係好多原來效力過溫哥華白浪嘅人,包括球員同教練,都紛紛轉投溫哥華86人,其中出名嘅包括安東尼·維特斯(股東)、李斯·帕遜斯(總經理)、羅拔·里納杜慈(教練)、卡爾·華倫泰因、詹·伊士頓、小大衛·諾曼等等。
1987年,溫哥華86人加入加拿大足球聯賽,第一場比賽迎戰愛民頓磚人。從1988年開始,溫哥華86人連續四個賽季奪得加足聯總冠軍[9][10][11][12],連續五個賽季常規賽排名第一[9][10][11][12][13],成為全加拿大最強嘅足球隊。爾喺1988-1989賽季,喺1988年6月客場輸俾北約克火箭3-1之後,由羅拔·里納杜慈執教嘅溫哥華86人更加創下徂球會歷史上最長嘅46場不敗紀錄[14],直到1989年8月客場輸俾愛民頓磚人2-1。2004年,爾支創紀錄嘅球隊進入徂卑詩體育名人堂[15]。1990年,溫哥華86人喺本拿比主場以3-2擊敗前來踢館嘅馬里蘭海灣,第一次奪得北美球會冠軍杯。
不幸嘅係,由於積累已久嘅財政困難越來越嚴重,加足聯喺1992賽季之後被迫終止運作,溫哥華86人亦都無辦法獨善其身,被迫退出當年嘅中北美洲及加勒比海聯賽冠軍杯。
加足聯喺1992年被迫折埋之後,溫哥華再一次面臨無聯賽打嘅危機。1992年10月6號,溫哥華86人宣佈轉投當時爭取緊成為美國足總第一級聯賽嘅美國職業足球聯賽[16][17]。但係由於美國足總決定從零開始建立一個足球大聯盟,美國職業足球聯賽最後都係做唔到第一級聯賽。1997年,美國職業足球聯賽被聯合足球聯賽系統吸收,溫哥華白浪亦都跟著加入徂聯合足球聯賽甲組。同樣喺1992年,由於羅拔·里納杜慈被加拿大足總聘任為國家隊總教練,最後一位效力過第一代溫哥華白浪嘅球員卡爾·華倫泰因(Carl Valentine)接任總教練[18]。
卡爾·華倫泰因喺1999年退徂休[20]。2000年,喺大批球迷嘅支持下,溫哥華86人嘅新股東大衛·史達匿(David Stadnyk)終於由第一代白浪總裁莊·勒斯頓手頭上買到「白浪」爾個名。同年10月26號,溫哥華86人正式將球隊名改返做「溫哥華白浪」[21]。2002年,大衛·史達匿退徂休,溫哥華白浪後來攈到貴格利·奇亞富特(Gregory Kerfoot)接收大衛·史達匿手頭上嘅股權。貴格利·奇亞富特成為新大股東之後做嘅第一件事,係收購徂一支位於溫哥華嘅女子足球隊「溫哥華天使」,再將溫哥華天使同原來86人隊嘅女子隊合併成一支新球隊「溫哥華怒濤」(Vancouver Breakers),加入聯合足球聯賽女子組作賽[18]。2003年,球會旗下嘅所有球隊(包括青訓項目)開始統一用「白浪足球會」做通用名。
2006年,溫哥華白浪第一次成為雙料冠軍:先係女子隊喺2006年8月6號以3-0擊敗渥太華暴怒女子隊,奪得聯合足球聯賽女子組冠軍[18],跟著係男子隊喺羅車斯特PAETEC公園球場以0-3擊敗主場嘅羅車斯特犀牛,奪得聯合足球聯賽甲組總冠軍——亦都係自1991年奪得加足聯總冠軍以來第一次奪得聯賽總冠軍[18]。2008年10月12號,溫哥華白浪憑藉查爾斯·格比奇(Charles Gbeke)嘅兩粒入球,以2-1擊敗波多黎各島民,再次奪得聯合足球聯賽甲組冠軍。但係好景不長,2009賽季嘅溫哥華白浪到季尾祇係排喺聯賽第七,勉強入到季後賽,不過最後都係被滿地可衝擊兩個回合以6-3淘汰徂出局,衛冕失敗[22]。
2009年,由於美國商人謝菲·古帕(Jeff Cooper)同其他幾個甲組球隊股東重建北美足球聯賽嘅計劃失敗,美國足協臨時組建徂美國足協乙組職業聯賽(USSF Division 2 Professional League),作為2010賽季嘅過渡聯賽[23]。由於溫哥華白浪嘅大股東貴格利·奇亞富特有份參與組建北美足球聯賽,因此被美國足協編入北美賽區,到季尾喺聯賽排名第五,喺四強賽出局。
2008年7月24號,北美足球大聯盟宣佈會喺2011年賽季引入兩支新球隊[24]。同一年,溫哥華白浪嘅大股東貴格利·奇亞富特同加拿大商人謝菲·馬列以及美國商人史提芬·盧佐拍檔,馬上組建徂財團競投擴張名額,重吸引到籃球明星史提芬·拿殊加盟(史提芬·拿殊個細佬就係長年擔當溫哥華隊長,重為加拿大國家隊效力過嘅名宿馬田·拿殊)[25][26]。財團喺同一年10月15號正式遞交徂標書[27],而貴格利·奇亞富特同謝菲·馬列就代表財團喺11月21日同大聯盟高層會面。大聯盟總監當·加伯同總裁馬克·阿拔喺12月7號到訪溫哥華,參觀卑詩大球場[28]。
2009年3月18號,大聯盟宣佈溫哥華奪得其中一個擴張名額[29]。一年之後,代表溫哥華競投嘅財團宣佈會繼續用「白浪」做隊名[30][31][32][33]。為徂準備加入大聯盟,溫哥華白浪派人四出招攬人才,先係喺2009年11月24號挖到熱刺嘅保羅·巴伯過來做行政總裁,再係挖到華盛頓特區嘅前主教練湯馬士·商來做營運總監,同埋尼德蘭人列哈特·顧律茨豪滕來做技術總監兼青訓總教練。帶領球隊奪得過北美聯合足球聯賽專業組冠軍嘅總教練嘅提圖勒·索達勒遜繼續做總教練。
2011年3月19號,溫哥華白浪第一次喺大聯盟亮相,以4-2擊敗多倫多FC,法國球員艾歷·阿斯利射入白浪喺大聯盟嘅第一粒入球。但係今次勝利祇係剎那光輝,之後溫哥華白浪連續14場比賽都贏唔到,最後聯賽包尾收季。5月30號,喺溫哥華白浪以1-1艱難恁逼和徂紐約紅牛之後,提圖勒·索達勒遜被白浪炒徂魷魚[34],營運總監湯馬士·商接任臨時總教練[34],直到8月9號白浪請到蘇格蘭人馬田·倫尼接任總教練[35]。
2012年10月21號,溫哥華白浪成為第一支殺入大聯盟季後賽嘅加拿大球隊[36],不過喺聯賽第一輪就被洛杉磯銀河踢徂出局。2013年,由於喺最後兩場比賽裡邊表現失常,溫哥華白浪再次同季後賽失之交臂。常規賽結束徂兩日之後,溫哥華白浪宣佈唔同總教練馬田·倫尼續約[37]。兩個月之後,溫哥華白浪宣佈提拔助理教練卡爾·羅賓遜做總教練[38]。
2014年十月,作為大聯盟常規賽排名最高嘅加拿大球隊,加上加拿大冠軍賽同2015年女足世界杯時間衝突,溫哥華白浪第一次獲得2016年中北美洲及加勒比海聯賽冠軍杯嘅參賽資格。一個星期之後,溫哥華白浪成為徂第一支兩次殺入大聯盟季後賽嘅加拿大球隊。可惜嘅係,係季後賽第一輪,溫哥華白浪就因為一個好具爭議性嘅手球判罰,而以1-2被FC達拉斯擊敗。
2015年6月1號,2015-2016中北美洲及加勒比海聯賽冠軍杯小組賽抽籤結果出爐:溫哥華白浪會喺小組賽階段硬撼洪都拉斯嘅奧林匹亞體育會,以及同區死敵西雅圖海灣人[39]。
溫哥華白浪自從喺1974年成立以來,一共用過三座主場:
溫哥華白浪原本計劃喺溫哥華嘅煤氣鎮起一座專屬球場,但係由於遭到居民嘅強烈反對,爾項計劃已經無限期擱置[40]。
賽季 | 聯賽 | 贏 | 輸 | 和 | 積分 | 常規賽 | 季後賽 |
---|---|---|---|---|---|---|---|
1974 | 北美足球聯賽 | 5 | 11 | 4 | 70 | 西賽區第四 | 未入圍 |
1975 | 北美足球聯賽室內錦標賽 | 1 | 1 | — | 2 | 第四分區第二 | 未入圍 |
1975 | 北美足球聯賽 | 11 | 11 | — | 99 | 西賽區第四 | 未入圍 |
1976 | 北美足球聯賽室內錦標賽 | 0 | 2 | — | 0 | 西分區第四 | 未入圍 |
1976 | 北美足球聯賽 | 14 | 10 | — | 120 | 太平洋賽區西分區第三 | 第一輪出局(西雅圖) |
1977 | 北美足球聯賽 | 14 | 12 | — | 124 | 太平洋賽區西分區第二 | 賽區決賽出局(西雅圖) |
1978 | 北美足球聯賽 | 24 | 6 | — | 199 | 國聯賽區西分區第一 | 第一輪晉級 (多倫多) 賽區半決賽出局(波特蘭) |
1979 | 北美足球聯賽 | 20 | 10 | — | 172 | 國聯賽區西分區第一 | 賽區八強賽晉級(達拉斯) 賽區半決賽晉級(洛杉磯) 贏賽區總決賽(紐約) 贏1979年足球碗(譚帕灣) |
1979/80 | 北美足球聯賽室內錦標賽 | 未參賽 | |||||
1980 | 北美足球聯賽 | 16 | 16 | — | 139 | 國聯賽區西分區第三 | 第一輪出局(西雅圖) |
1980/81 | 北美足球聯賽室內錦標賽 | 11 | 7 | — | — | 北分區第一 | 第一輪晉級(加州) 半決賽出局(愛民頓) |
1981 | 北美足球聯賽 | 21 | 11 | — | 186 | 西北分區第一 | 第一輪出局(譚帕灣) |
1981/82 | 北美足球聯賽室內錦標賽 | 10 | 8 | — | — | 國聯賽區西北分區第二 | 第一輪出局(聖地亞哥) |
1982 | 北美足球聯賽 | 20 | 12 | — | 160 | 西分區第三 | 第一輪出局(聖地亞哥) |
1982/83 | 北美足球聯賽室內錦標賽 | 賽季取消 | |||||
1983 | 北美足球聯賽 | 24 | 6 | — | 187 | 西分區第一 | 第一輪出局(多倫多) |
1983/84 | 北美足球聯賽室內錦標賽 | 12 | 20 | — | — | 第五 | 未入圍 |
1984 | 北美足球聯賽 | 13 | 11 | — | 117 | 西分區第二 | 半決賽出局(芝加哥) |
年份 | 聯賽級別 | 聯賽 | 常規賽 | 季後賽 | 加拿大 冠軍賽 |
北美冠軍賽 | 北美 聯賽 冠軍 杯 |
---|---|---|---|---|---|---|---|
1987 | 甲 | 加足聯 | 西賽區第二 | 半決賽 | — | — | — |
1988 | 甲 | 加足聯 | 西賽區第一 | 冠軍 | — | — | — |
1989 | 甲 | 加足聯 | 西賽區第一 | 冠軍 | — | — | — |
1990 | 甲 | 加足聯 | 西賽區第一 | 冠軍 | — | 冠軍 | — |
1991 | 甲 | 加足聯 | 第一 | 冠軍 | — | — | — |
1992 | 甲 | 加足聯 | 第一 | 總決賽 | — | 八強賽 | 第一輪 |
1993 | 美職聯 | 第一 | 半決賽 | — | — | — | |
1994 | 美職聯 | 第六 | 未入圍 | — | — | — | |
1995 | 乙 | A聯賽 | 第三 | 半決賽 | — | — | — |
1996 | 乙 | A聯賽 | 第五 | 未入圍 | — | — | — |
1997 | 乙 | A級聯賽 | 太平洋分區第三 | 賽區總決賽 | — | — | — |
1998 | 乙 | A級聯賽 | 太平洋分區第四 | 賽區八強賽 | — | — | — |
1999 | 乙 | A級聯賽 | 太平洋分區第二 | 賽區八強賽 | — | — | — |
2000 | 乙 | A級聯賽 | 太平洋分區第三 | 賽區半決賽 | — | — | — |
2001 | 乙 | A級聯賽 | 西賽區第一 | 半決賽 | — | — | — |
2002 | 乙 | A級聯賽 | 太平洋分區第三 | 賽區總決賽 | 季軍 | — | — |
2003 | 乙 | A級聯賽 | 太平洋分區第二 | 分區總決賽 | 季軍 | — | — |
2004 | 乙 | A級聯賽 | 西賽區第二 | 半決賽 | 殿軍 | — | — |
2005 | 乙 | USL甲組聯賽 | 第三 | 八強賽 | 亞軍 | — | — |
2006 | 乙 | USL甲組聯賽 | 第四 | 冠軍 | 季軍 | — | — |
2007 | 乙 | USL甲組聯賽 | 第七 | 八強賽 | 亞軍 | — | — |
2008 | 乙 | USL甲組聯賽 | 第二 | 冠軍 | 季軍 | — | 未入圍 |
2009 | 乙 | USL甲組聯賽 | 第七 | 總決賽 | 亞軍 | — | 未入圍 |
2010 | 乙 | 美國足協 乙組聯賽 |
北美賽區第二,聯賽第五 | 半決賽 | 亞軍 | — | 未入圍 |
排名 | 位置 | 姓名 | 國籍 | 效力年份 | 常規賽 | 季後賽 | 加拿大 冠軍賽 |
北美聯賽 冠軍杯 |
總數 | |
---|---|---|---|---|---|---|---|---|---|---|
中文 | 外文 | |||||||||
1 | 前鋒 | 卡美洛·聖維佐 | Camilo Sanvezzo | ![]() |
2011–13 | 39 | 0 | 4 | – | 43 |
2 | 前鋒 | 達倫·馬托斯 | Darren Mattocks | ![]() |
2012– | 16 | 1 | 1 | – | 18 |
3 | 前鋒 | 艾歷·阿斯利 | Éric Hassli | ![]() |
2011–12 | 12 | – | 3 | – | 15 |
4 | 前鋒 | 堅尼·苗勒 | Kenny Miller | ![]() |
2012–14 | 13 | 0 | 0 | – | 13 |
5 | 前鋒 | 彼德羅·莫拉利斯 | Pedro Morales | ![]() |
2014– | 10 | 0 | 1 | – | 11 |
前鋒 | 奇古塔·曼尼 | Kekuta Manneh | ![]() |
2013– | 10 | 0 | 1 | – | 11 | |
7 | 中場 | 基亞桑·哥菲 | Gershon Koffie | ![]() |
2011– | 8 | 0 | 0 | – | 8 |
8 | 後衛 | 佐敦·夏維 | Jordan Harvey | ![]() |
2011– | 7 | 0 | 0 | – | 7 |
前鋒 | 艾力·烏勒塔多 | Erik Hurtado | ![]() |
2013– | 5 | 1 | 1 | – | 7 | |
10 | 前鋒 | 些巴斯迪恩·勒圖 | Sébastien le Toux | ![]() |
2012 | 4 | – | 2 | – | 6 |
排名 | 位置 | 姓名 | 國籍 | 效力年份 | 常規賽 | 季後賽 | 加拿大 冠軍賽 |
北美聯賽 冠軍杯 |
總數 | |
---|---|---|---|---|---|---|---|---|---|---|
中文 | 外文 | |||||||||
1 | 中場 | 基亞桑·哥菲 | Gershon Koffie | ![]() |
2011– | 106 | 2 | 9 | – | 117 |
2 | 後衛 | 佐敦·夏維 | Jordan Harvey | ![]() |
2011– | 98 | 2 | 7 | – | 107 |
3 | 前鋒 | 卡美洛·聖維佐 | Camilo Sanvezzo | ![]() |
2011–13 | 92 | 0 | 10 | – | 102 |
4 | 前鋒 | 達倫·馬托斯 | Darren Mattocks | ![]() |
2012– | 72 | 2 | 7 | – | 81 |
5 | 中場 | 羅素·泰拔 | Russell Teibert | ![]() |
2011– | 69 | 0 | 10 | – | 79 |
6 | 後衛 | 阿蘭·羅莎 | Alain Rochat | ![]() |
2011–13 | 67 | 1 | 9 | – | 77 |
後衛 | 謝伊·德美列 | Jay DeMerit | ![]() |
2011–14 | 71 | 1 | 5 | – | 77 | |
8 | 後衛 | 李榮杓 | 이영표 | ![]() |
2012–13 | 65 | 1 | 3 | – | 69 |
9 | 守龍門 | 祖·卡農 | Joe Cannon | ![]() |
2011–13 | 56 | 0 | 3 | – | 59 |
10 | 後衛 | 安迪·奧拜仁 | Andy O'Brien | ![]() |
2012–14 | 50 | 2 | 4 | – | 56 |
年度 | 姓名 | 國籍 | |
---|---|---|---|
中文 | 外文 | ||
2011 | 卡美洛·聖維佐 | Camilo Sanvezzo | ![]() |
2012 | 李榮杓 | 이영표 | ![]() |
2013 | 卡美洛·聖維佐 | Camilo Sanvezzo | ![]() |
2014 | 彼德羅·莫拉利斯 | Pedro Morales | ![]() |
年度 | 姓名 | 國籍 | 入球 | |
---|---|---|---|---|
中文 | 外文 | |||
2011 | 卡美洛·聖維佐 | Camilo Sanvezzo | ![]() |
12 |
2012 | 達倫·馬托斯 | Darren Mattocks | ![]() |
7 |
2013 | 卡美洛·聖維佐 | Camilo Sanvezzo | ![]() |
22 |
2014 | 彼德羅·莫拉利斯 | Pedro Morales | ![]() |
10 |
卡斯卡迪亞盃係溫哥華白浪、西雅圖海灣人同埋波特蘭伐木工三支球隊嘅支持者喺2004年自發成立嘅盃賽,因此伊三支球隊互為主要對手。
加拿大冠軍賽係加拿大職業足球隊嘅最高榮譽,贏到加拿大冠軍賽就可以代表加拿大出戰中北美及加勒比海聯賽冠軍盃,因此參加加拿大冠軍賽嘅五支球隊,包括溫哥華白浪、滿地可衝擊、多倫多足球會、渥太華暴怒同愛民頓足球會,互為主要對手。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.