東京都
日本一級行政區及中央政府所在地 / From Wikipedia, the free encyclopedia
東京都分成東京都區部(或者叫23區)、多摩地區(26市3町1村)同島嶼部(2町7村)。主要係喺關東西南部嘅東西幼長嘅地域,東臨東京灣,西部係關東山地。
唔單只行政、立法等機關集中喺度,呢度亦都係日本甚至東亞經濟、傳媒、學術、交通等等嘅重心所在。人口大約有1403萬(2022年),係日本人口最多而且人口密度最高嘅嘅都道府縣。
東京同周圍七個縣組成首都圈。其中包含東京都、神奈川縣、千葉縣、埼玉縣嘅東京大都市圈總人口有大概三千五百萬人口,佔全日本大概三成人口,係世界上最多人口嘅都市圈。