朏(音翡,粵拼:fei2),又叫朏明,朔後初出嘅月光,初三日見。故此,日本亦叫三日月。
「娥眉月」跳轉到呢度。想搵足球場上嘅射波位,請睇「
足球場」。
初一朔,全黑唔見光。初二亦好難見到光。初三就月光初現,最早見嘅娥眉月,幼到好似女人堂眉噉。之後夜夜增加,去到初七初八成半圓,就叫弦月,是為上弦月。
胐有另一啲講法,哉生霸,始生魄。哉同始互通,開頭噉解。霸同魄互通,月有白。生霸生魄,即係月白生多啲,相反死霸死魄,月白死減啲。哉生霸、始生魄,就係月開始生白。
原本西洋新月(new moon),係以胐計。後尾天文學,改為朔。回教陰曆保留古法,每月以胐做第一日,舊時有專人去睇。