暴雨

  呢篇文講自然現象。想搵同名電子遊戲嘅話，請睇暴雨 (遊戲)。

暴雨，台灣叫豪雨，或暴風雨，講緊喺短時間入面累積極大嘅降雨量嘅雨，數值大細跟住地理位置唔同而有差異。可能由颱風或鋒面雨造成。暴雨往往造成災害，例如洪災同山泥傾瀉等。

定義

中國大陸

規定：12小時降水量係30毫米或以上，或24小時降水量係50毫米或以上的降雨叫暴雨。

香港

香港天文台嘅暴雨警告信號，分做黃、紅、黑三級^[1]。

• 黃色暴雨警告信號：每小時雨量超過30毫米嘅大雨
• 紅色暴雨警告信號：每小時雨量超過50毫米嘅大雨
• 黑色暴雨警告信號：每小時雨量超過70毫米嘅豪雨

澳門

澳門氣象局嘅暴雨警告信號，分做黃、紅、黑三級^[2]。

• 黃色暴雨警告信號：每小時降雨量超過20毫米
• 紅色暴雨警告信號：每小時降雨量超過50毫米
• 黑色暴雨警告信號：每小時降雨量超過80毫米

嚴重災害

• 1972年6月18號，香港六一八雨災，引發多宗山泥傾瀉，旭龢道成棟12層高嘅大廈折斷倒塌，呢次雨災搞到死咗156人117人傷。

攷

1. 〈暴雨警告系統〉。原著喺2011-09-07歸檔。喺2011-10-17搵到。
2. 〈暴雨警告信號系統〉。原著喺2020-03-02歸檔。喺2020-09-06搵到。