From Wikipedia, the free encyclopedia
武術散打,簡稱散打,又叫做散手,喺歷史上有過好多種唔同嘅叫法,好似相搏、手搏、白打、對拆、技擊。散打意思即係將中國武術以實戰為目的所發展出嚟嘅格鬥形式。由於近代散打比賽都係喺擂台上進行,所以又有人叫佢做「打擂台」。
其實「打擂台」喺中國歷史悠久,一早喺唐代就已經有“角藝”呢樣嘢,去到明、清兩代嘅比武風氣就更加盛行,而且高手輩出,相當熱鬧。
但係中國大陸喺 1949年由於政治形勢影響,令傳統武術受到侷限,一直只係維持喺健身同表演範圍入面,而自由式擂台搏擊,即係所謂嘅「散手」,就沉寂咗成三十幾年。直至 1979年先畀中央政府訂為試驗項目發展,當時國家體委按照競技體育模式,首先喺浙江省體委、北京體育學院同武漢體育學院進行咗對抗性武術項目試點訓練,又喺同年5月喺廣西南寧舉行嘅全國武術觀摩交流大會上做咗第一次匯報表演。
1982年制定咗一套《散打比賽規則》,1987年,國家體委批准散打為正式比賽項目[1]
1980年代嘅香港亦曾經有過一陣自由搏擊嘅熱潮,期間出過好多高手,但係畀英國殖民政府以安全為理由而壓制咗發展
喺1985年由徐家傑帶領一批自由搏擊選手,去到上海同泰國嘅拳手打,而結果係被外間評為“輸得好難睇”。
其實一直以嚟中國嘅選手喺同其他國家選手嘅比賽入面,都好似唔多掂,於是有人懷疑所謂二千幾年中華武術,唔通只係得個樣,有姿態無實際?
喺反省過之後認為,中國武術如果要喺國際擂台上立足,就一定要面對擂台嘅考驗,於是散打就開始被嚴肅同認真咁發展起嚟,而散打選手嘅成績亦越嚟越理想
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.