弦樂器

弦樂器係指震條弦而發聲嘅樂器。

弦樂器又分三大類：

• 擊弦樂器：又叫做打弦樂器，即係用琴竹或者其他嘢打條弦而發聲嘅樂器。好似鋼琴。
• 撥弦樂器：即係用撥或者手彈條弦而發聲嘅樂器。可以分擺嚮處彈或者拎住嚟彈。擺嚮處彈嘅有豎琴、古琴。拎住嚟彈嘅有結他。
• 弓弦樂器：即係用支弓拉條弦而發聲嘅樂器。好似小提琴同粵胡。

爾種分類並唔係話某種樂器一定係要某種方法先出到聲，而係話設計上或者正常係咁用；例如小提琴可以彈，但係正常唔會咁做，又或者某啲樂手有時會用弓拉結他，但係正常亦都唔會咁做。