![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/27/K%2527ang_Hsi_Dictionary.jpg/640px-K%2527ang_Hsi_Dictionary.jpg&w=640&q=50)
康熙字典
清朝官方編修嘅唐字字典 / From Wikipedia, the free encyclopedia
《康熙字典》(粵拼:hong1 hei1 zi6 din2),亦都寫做《康煕字典》,喺大清康熙年間由翰林院嘅張玉書同陳廷敬主編,參考大明嘅《字彙》、《正字通》兩本書而編寫嘅中文辭典。由康熙五年寫到康熙五十五年(1716年)至成書,重印次數多到數唔倒。
![Thumb image](http://upload.wikimedia.org/wikipedia/commons/thumb/2/27/K%27ang_Hsi_Dictionary.jpg/640px-K%27ang_Hsi_Dictionary.jpg)
![Thumb image](http://upload.wikimedia.org/wikipedia/commons/thumb/8/87/K%27ang_Hsi_Dict.png/640px-K%27ang_Hsi_Dict.png)
《康熙字典》總共有 4萬7035 個字,分成 12 集,用 214 個部首分類,有反切注音、出處、參考等等。另外仲附有《字母切韻要法》同《等韻切音指南》。
《康熙字典》字頭之下列有嗰個字嘅唔同音切同意義,除僻字僻義之外都有引書為證。清代法律規定,凡讀書人應考科舉考試,寫嘅字必須攞《康熙字典》做標準,因此,該書對學術界影響好大,成書之後好流行,即使今時今日,都仲係一本好有用嘅工具書。
《康熙字典》有清代嘅木刻本,晚清時,上海出現幾種影印本,中華書局舊時用同文書局嘅影印本做底本,製成鋅版,而家利用存版重印,並且附有王引之嘅字典考證擺響後面,攞嚟參考。