「𡃁妹」跳轉到呢度。想搵外號「𡃁妹」嘅香港女藝人,請睇「
李綺雯」。
青少年係指介乎細路同大人之間嘅年輕人,參考世界衞生組織嘅定義,青少年嘅年齡介乎10至19歲之間[1]。呢段時期經歷青春期同性成熟,啲人叫佢哋後生仔、後生女或者𡃁仔,同衣物尺碼有關嗰時叫中童,學術啲就叫青少年。
一羣青少年男女
後生唔一定指年紀,有時都講心態,會講成係有衝動去實現一啲嘢,鍾意幻想,想做就做多過前思後想,鍾意冒險多過舒舒服服。
粵語入面,𡃁(粵拼:leng1),或者叫𡃁仔、𡃁妹,係對十幾歲青少年人嘅俗稱,過咗童年,但又未成年,身體發育重未結束。有指「𡃁」本字係「僆」[2]或者「𨈓」[3],原本解孖生仔[4]。
亦有同「𡃁」有關嘅用詞,譬如𡃁模、𡃁妹樣。