市轄區（粵拼：si5 hat6 keoi1）係中文入邊，對城市所設嘅一種行政區劃類型嘅指稱。一般簡稱爲區。
喺中國大陸地區，按照憲法，「市轄區」係直轄市同埋較大嘅市嘅城區劃定嘅行政分區。實質上絕大部份嘅地級市都有設區。喺中國大陸法律度有個術語叫做「設區嘅市」，就係指設有市轄區嘅建制市（直轄市除外）。
雖然有啲市轄區屬於直轄市，有啲屬於地級市，但所有嘅市轄區喺政區層級上屬於縣級行政區。直轄市嘅市轄區同地級市嘅市轄區之間嘅區別在於，管佢嘅上頭係省級定係地級。目前中國有兩個副省級市轄區（上海嘅浦東新區、天津嘅濱海新區），佢哋都重係縣級政區，只不過佢哋地位特殊，權限接近省級。市轄區以下嘅行政分區係鄉級行政區，大城市同埋發達地區嘅市轄區管轄嘅區域以街道為主，呢啲街道係區政府嘅派出機構，直屬於上頭，無自己嘅政府；工業化、城市化發展過程中嘅城市以鎮、鄉為主，鄉、鎮有自己嘅政府。
市轄區同其他縣級行政區相比，顯著嘅特點就係佢係城市主體嘅一部分；人口密度大，流動人口集中；居民以城鎮人口爲主或佔有好大比例；文化、經濟同埋貿易發達。 不過有啲市轄區有廣闊嘅郊區、鄉下。
一般來講啲市轄區嘅政區名係喺地名之後加個「區」字，不過縣轄區亦以「區」字收尾，佢同市轄區唔同，市轄區係縣級政區，縣轄區係鄉級政區（高過一般嘅鄉級政區）。
喺二戰後嘅中華民國，區為直轄市（又稱「院轄市」，目前有五個：台北市、高雄市、新北市、臺中市、臺南市）同埋省轄市嘅下級行政區域，相當於縣以下嘅鄉、 鎮、縣轄市層級，英文翻譯係「District」。
喺中華民國嘅地方行政區劃當中，只有直轄市同埋省轄市之下先有「區」嘅單位，而且只可設區。 台北市喺1968年由省轄市升格為院轄市嘅改制過程入邊，幾箇原屬臺北縣嘅鄉、鎮併咗入臺北市，而且都改為區，之後喺1990年又有整併，形成咗今日台北市十二個區嘅編制。另外，南部嘅高雄市，同埋基隆市、新竹市、嘉義市呢三個省轄市，亦各自有佢哋自己嘅區。台灣嘅區同鄉、鎮、縣轄市一樣，都係以公所（區公所）為行政辦事單位，之下轄里，里之下又轄有鄰。 區長由市長指派，四年一任。
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
