提示:呢篇文講嘅唔係
公安。
差人(粵拼:caai1 jan4),又叫差役同埋警察,中國大陸度依家係由公安抑或人民警察(簡稱民警)去執行呢部分嘅職權,而香港仲係由警務處所屬嘅專職警隊去負責執法。差人一般有權拉人返差館問話;有出街行嘅,又有坐寫字樓嘅文職;分軍裝同埋便衣。
芝加哥嘅差人
香港警察舊時俗稱叫做綠衣或者大頭綠衣。香港成為英國殖民地之後,就出現咗屬於香港嘅警隊。而嗰陣時警察成員大多數係印度人,由於香港人慣咗叫印度人做「阿差(aa3 caa1)」,加上差又有衙差嘅意思,所以喺兩者結合之下,香港人就慣咗叫警察做差人。