尚書省

尚書省係中國喺隋朝同埋唐朝開始正式設立嘅三省六部制中嘅一省，負責執行國家嘅重要政令。

簡介

尚書省係中央政權體系中嘅三省之一，主要負責執行通過審查嘅法令。除尚書省之外，重有負責草擬同頒發皇帝詔令嘅中書省，同埋审查詔令内容嘅門下省。其中，中書省同埋門下省係決策機構，尚書省就係執行機構。

尚書省長官叫做尚書令，尚書仆射係副官。尚書省下設左右丞，分管六部。但係由於唐太宗喺繼位前曾經擔任尚書令呢個職務，所以唐朝呢個時期以後，呢個官職唔會輕易授予，而係以尚書仆射為尚書省长官。唯安史之亂之後，郭子儀對唐朝有大功，就授尚書令。另外朱温篡逆之前都自稱係。

不過，唐代三省制係建立冇耐就開始向二省、一省轉變。呢種變化嘅原因係皇權對於相權嘅控制、以及提高行政效率。三省職能逐漸趨向合一。到咗宋朝，雖然三省名義始終存在，但係已經混合為一省。

元用中書省總領百官，同樞密院、御史臺分掌政、軍、監察三權。尚書省主要負責財政事務，而且時置時廢，門下省就唔復置。明一開始用元制，由中書省總管六部，但1380年廢中書省，分中書省嘅權力畀六部。自此，六部取代咗三省六部呢個制度制。