大亞灣

大亞灣（Daya Bay，舊時叫 Bias Bay）係中國一個喺廣東南岸嘅灣，大約喺 22.5953°N 114.5431°E / 22.5953; 114.5431。佢喺大鵬半島東面，同平海北面嘅半島，夾成深入大灣。大清時歸入歸善縣，家下分歸數區。佢西面係深圳龍崗、北面係惠州惠陽、東面係惠東。灣入面嘅島仔星羅棋布。

大亞灣相對香港同深圳嘅位置

喺龍崗嗰邊，有中國大陸最早兩座核電廠之一，大亞灣核電廠。而惠陽有其中一個亞洲最大嘅煉油設施。

史

中華民國早年，呢度有好多海盜騎劫輪船。

日本侵華打廣州嗰時，日本軍係喺大亞灣登陸打過去。佢哋喺一九三八年十月十二號登陸，然後北上打惠州、博羅，再向東打埋石龍、增城，到十月廿一號攻入廣州。