勁歌金曲頒獎典禮
From Wikipedia, the free encyclopedia
《勁歌金曲頒獎典禮》(英文:Jade Solid Gold Best Ten Music Awards Presentation)由香港無綫電視主辦,1984年1月28號首次舉行,一直舉辦到而家。頒獎禮通常喺紅磡香港體育館舉行,無綫電視翡翠台作現場直播(2008年起,高清翡翠台加入聯播),喺頒獎典禮舉行之後會喺中國中央電視台國際頻道、綜合頻道、綜藝頻道,以及一啲喺海外嘅中文電視頻道播出。
![]() |
自1984年度開始嘅「最受歡迎男/女歌星」,其中得獎結果以往會成為全場最注視嘅焦點,被視為邊個係香港樂壇嘅天王同天后。
而被譽為五大獎項嘅「亞太區最受歡迎男/女歌星」前身係「國內最受歡迎香港男/女歌星獎」,而且只喺1993年度設立過,分別由劉德華同埋王靖雯奪得;喺1994年度開始改名為「亞太區最受歡迎香港男/女歌星」到2011,2012年度再次改名為「亞太區最受歡迎男/女歌星」到而家,被視為邊個係帝王同帝后。
2009年度十大勁歌金曲頒獎典禮,因為無綫電視同四大唱片公司不和,所以成個頒獎典禮得番英皇娛樂同細公司歌手喺度,差唔多所有獎都係英皇同無綫電視歌手攞晒,結果引起爭議;由嗰時起,為咗公平/正起見,大會決定「最受歡迎男/女歌星」同「亞太區最受歡迎男/女歌星」同年絕對唔可以由同一位歌手得獎。
直到目前為止,容祖兒係歷屆頒獎典禮嘅最大贏家,合共攞咗77個獎,當中包括25個大獎嘅最高紀錄,數量係眾歌手之冠。