From Wikipedia, the free encyclopedia
八卦係《易經》入面記載嘅符號,由三個代表陰或者陽嘅爻組成,一共有八組,即乾卦、兌卦、離卦、震卦、巽卦、坎卦、艮卦及坤卦。
八卦擺位叫八卦圖,分做兩種,分別係先天八卦同後天八卦。之不過先天同後天,都係宋時加上嘅名,並不表示出現先後,只係占算構想同方法唔同。近代出土唔少帛書、竹簡,卦名、排列以及畫法,都有唔同。初為籌算,原本爻為數字。八卦同五行出自唔同思想,後人將二者又夾埋一齊。
後天八卦用於風水方向為多,二十四方位就基於後天八卦。而先天八卦亦有佢自己一套占算。
史上講易有三種,周易、綿山、歸藏,而後兩者流傳不全,或者失傳。
八卦再同八卦組合,六爻就化成六十四卦。
古人寫咗一首《八卦取象歌》方便自己記住每一卦嘅卦爻排列: