佛山
中國廣東省嘅地級市 From Wikipedia, the free encyclopedia
.png)
 |
佛山（粵拼：fat6 saan1，官方音譯：Foshan，郵政式拼音：Fatshan）喺中國廣東中南部珠三角地區，家下係地級市，叫佛山市，簡稱
佛山地處珠江三角洲腹地，西江以西有低山丘陵，西江以東係珠江三角洲平原。位於亞熱帶沿海，氣候溫和，雨水充足。西江、北江同佢地啲支流涌河貫穿佛山全境，兩條江嘅貫連處就喺佛山三水區思賢滘。
佛山係珠江—西江經濟帶、廣佛肇經濟圈、廣州都市圈嘅重要節點城市，喺廣東省經濟發展當中處於領先地位，仲係全中國民營經濟最發達嘅地區之一。佛山自古就係富饒嘅魚米之鄉，明清兩代佛山鎮同湖北漢口鎮、江西景德鎮、河南朱仙鎮合稱為「四大名鎮」，依家為國家歷史文化名城。佛山又係著名僑鄉，旅外僑胞140萬人。[未記出處或冇根據]
現時佛山市轄下有5個市轄區：禪城區、順德區、南海區、三水區、高明區。
佛山挨住廣州，近年經濟、民生等都同廣州關係好密切。廣佛都市圈正逐步形成。
佛山位於廣東省中南部，地處珠江三角洲腹地，東倚廣州，南鄰港澳，地理位置優越。佛山氣候溫和，雨量充沛，四季如春，屬亞熱帶季風性濕潤氣候，年平均氣溫23.2°C，自古以嚟就係富饒嘅魚米之鄉。珠江水系中嘅西江、北江同埋支流貫穿全境，屬典型嘅三角洲河網地區。
佛山嘅氣候屬亞熱帶季風氣候，全年平均氣溫22.1攝氏度，相對濕度 77%，市區年降雨量1490.6 毫米。
佛山係粵劇嘅發源地[未記出處或冇根據]，亦係著名嘅體育之鄉，龍船及舞獅運動水平都享譽海內外。
地鐵
市內第一條地鐵線係廣佛地鐵，原本打算喺2002年起，2006年啟用。但係因為資金問題要押後至2007年先至開始起，喺2010年啟用魁奇路站至西朗站，2015年啟用西朗站至燕崗站，2016年啟用新城東站至魁奇路站。
巴士
市內嘅巴士公司主要係粵運公交、佛廣公交、順德公交、新福利、恒通公司。每程票價人民幣1蚊到5蚊不等。
的士
而家市內有好多間的士公司，主要有佛山汽車運輸集團有限公司、順安達運輸有限公司、新協力運輸有限公司、南海小汽車出租公司同埋廣佛交通運輸有限公司等等。價錢統一都係8蚊起表，每公里兩個六。
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
