佐伊女皇

佐伊一世（希臘文：Ζωή Α'；978年—1050年 6月；綽號「正統嫡系」，希臘文：η Πορφυρογέννητη）係東羅馬帝國皇帝君士坦丁八世嘅第二個女，皇帝羅曼諾斯三世個皇后及共治皇帝（1028年－1034年在位），皇帝米哈伊爾四世個皇后及共治皇帝（1034年－1041年在位），皇帝米哈伊爾五世個姑媽兼共治皇帝（1041年－1042年在位），狄奧多拉女皇個二家姐兼共治皇帝（1042年在位），皇帝君士坦丁九世個皇后、君士坦丁九世同狄奧多拉女皇兩個人嘅共治皇帝（1042年-1050年在位），係東羅馬帝國同歐洲歷史上第二位女皇（1028年－1050年在位）。佢作為一代女皇，一世人結過三次婚，不單止喺東羅馬帝國，就算係喺歐洲所有女皇帝當中，都係絕無僅有。