心理病 From Wikipedia, the free encyclopedia
亞氏保加症(英文:Asperger syndrome 簡稱:AS),又譯亞斯伯格症,係一種自閉症譜系障礙,患者一般智力正常,甚至高過正常,語言能力發展大致正常,但喺社交溝通同埋人際關係上出現一啲發展障礙。
維基百科嘅醫學類文章只係提供參考,並唔係醫療意見。 閣下如果有任何關於健康嘅問題,請諮詢專業醫護人員。 |
亞氏保加症候群 | |
---|---|
同義詞 | Asperger's syndrome, Asperger disorder (AD), Asperger's |
病徵 | 社交互動有困難、自我侷限而且重複嘅行為[1] |
通常發病 | 大概兩歲前[1] |
病程 | 永久[1] |
類型 | 自閉症類群障礙, 病 |
起因 | 未知[1] |
醫 | 社交技巧訓練、認知行為療法、物理治療、言語治療、父母職能訓練[2] |
盛行率 | 3720萬(2015年)[3] |
分類同拎 | |
醫學專科 | 臨床心理學、精神病學 |
ICD-10 | F84.5 |
OMIM | 608638、608631、608781、609954 |
DiseasesDB | 31268 |
MedlinePlus | 001549 |
eMedicine | 912296 |
Patient UK | 亞氏保加症候群 |
Orphanet | 1162 |
佢嘅重要特徵係社交同埋非言語交際嘅困難,同時興趣狹窄同重複特定行為,但相較於其他泛自閉症障礙,仍然相對保有語言同認知發展。通常亞氏保加症患者智力正常,有好多人智商偏高,具有某啲方面嘅天賦,極少數人屬於高智商。但患者經常出現肢體笨拙同埋語言表達方式異常等狀況,間唔中會發出怪聲,但並唔會作為診斷依據。症狀一般喺兩歲前出現,會跟住一世,研究並冇所謂有效嘅治療方法[4],有相當嘅專業研究傾向呢個屬於「人格特質」,只係一種異於常人嘅思考同行為模式,視乎多定少。
美國精神學會(American Psychiatric Association)喺2012年經已取消咗亞氏保加症呢個病名,並將佢歸做自閉症類群障礙(Autism spectrum disorder),又叫高能力自閉症、輕度自閉症或自閉譜系障礙。而2013年更新嘅精神病診斷同統計手冊第5版(DSM-5)度,亦都移除咗佢嘅診斷內容。[5]2021年,《國際疾病分類手冊第十一版》(ICD-11)亦都將亞氏保加症納入自閉症譜系障礙。[6]。依家亞氏保加呢個詞,多數指一個人嘅人格特質。
1944年,奧地利兒童精神科醫生漢斯·亞氏保加(Hans Asperger)發表咗一篇論文,佢發現一啲兒童有顯著同人相處同溝通嘅困難,都有類似嘅行為特徵。不過呢篇用德文寫嘅論文發佈嗰時正值第二次世界大戰,所以論文喺戰勝國未有人理。去到1981年,蘿娜·溫就喺英國介紹咗亞氏保加症嘅發現。九年之後,亞氏保加症開始畀世人所了解,而呢個病後嚟亦以佢個姓嚟命名[7]。
有亞氏保加症嘅人,通常有以下三種徵狀[7]:
鑑於呢種特性冇語言發展慢嘅問題,喺細路時期啲專業檢測都未必發現到,部分個案甚至係到成年後,先至會發現自己有呢啲特質[5]。
最初嘅科學家研究未曾揾到亞氏保加症嘅成因,淨係研究出佢係一樣牽涉腦功能嘅問題,同父母嘅教養方式無關[7]。研究到後邊醫學上未有所謂「根治」亞氏保加症嘅方法,醫學發展到依家雖然研發咗藥物,仲有啲行為療法,去協助降低呢類嘅特質,但係對成年人嚟講,通常發現有亞氏保加特徵時,已經處於社會化過程入邊,對社會事務係有一定嘅協調同適應,唔需要再特登搞其他治理。
喺細路仔嗰陣發現有類似嘅症狀,建議可以透過有系統嘅教育同訓練,例如行為治療、語言治療同物理治療等,加埋適當嘅環境,畀患者有多啲同其他人接觸同溝通嘅機會,都可以幫佢哋減低症狀所帶嚟嘅障礙[8]。
而喺歐洲,有兒童精神科醫生話,騎馬有助改善亞氏保加症嘅障礙,因為噉會令到身體釋放一種降低焦慮感嘅荷爾蒙,叫做催產素。噉嘅話就有助亞氏保加症同埋自閉症兒童學習。
根據返美國疾控中心(CDC)研究,亞、歐、北美洲嘅自閉症譜系障礙平均罹患率高過1%,呢個比率仲會繼續升。喺日本,對於存有發展障礙嘅個體,除咗幾十年嚟提高整體社會認知,重會喺法律上提供一定嘅支援,好似喺2016年開始施行嘅《消除障礙者差別法》就係其中一樣。日本各大學對大學生、機關企業對僱員入邊嘅發展障礙人士,都有構築緊一啲援助體制,以求有系統噉持續支援呢類群體,當做共生社會時代前嘅一個準備工作。[9]
到目前為止,亞氏保加症冇可行嘅治療方法,例如緩解核心癥狀嘅藥物,淨係可以靠行為治療[12]。但係某啲藥物(例如抗抑鬱藥、抗焦慮藥、抗精神病藥同心境穩定劑)可以緩解情緒障礙,中樞神經興奮劑(例如利他能)同擇思達可以減輕佢哋嘅過動行為[未記出處或冇根據]。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.