中華煤氣

中華煤氣（英文：The Hong Kong and China Gas Company Limited，港交所：0003，OTCBB：HOKCY），俗稱煤氣公司（Towngas），係香港交易所上市公司，1862年開張，係香港唯一整煤氣、運煤氣同賣煤氣嘅公司。最大股東係恒基兆業。

中華煤氣係香港公共事業嘅重要部分，為8成半香港家庭同工商業機構供應燃氣，標誌係由圓形同火焰圖案組成。

煤氣公司喺香港擁有兩座生產廠房，分別喺大埔工業邨同馬頭角。現時97%煤氣由遠離市區嘅大埔廠房生產，其他嚟自馬頭角廠房（後備）。大埔廠房每日可生產960萬立方米煤氣。