一二三事件

「一二·三」事件（葡萄牙文：Motim 1-2-3）係澳門衝突，喺1966年12月3號爆發，導致澳門民間社會完喪失對葡國政府嘅信任，並完全傾向中國政府。當時澳門由葡萄牙統治，北面嘅中國內地正開始文化大革命。

一二三事件
係一個	暴動
發生喺	葡萄牙
座標	22°12′2.02″N 113°32′46″E
日期	1966年12月3號
導致咗	六七暴動
死咗嘅人數	8
受傷嘅人數	252
一二三事件嘅位置
[改維基數據]
睇 傾 改

原因

葡萄牙人喺澳門一直擁有特權或者特殊地位，咁樣令到普遍居民有大小程度嘅不滿。

經過

因為早前嘅氹仔坊眾學校事件，葡國政府同澳門民間人士之間早已有衝突。

12月3號中午12時幾，總督府門前終於發生更大規模衝突。差人先使用警棍，後出動防暴水車，試圖驅散示威人士。消息傳出後，前來示威嘅群眾愈來愈多，3點後，衝突加劇，有警車被推翻，法院門前嘅歐維士石像之手被敲爛。跟住，位於議事亭前地嘅美士基打（Nicolau Vicente Mesquita）銅像被摧毀，澳門市政廳同位於仁慈堂大樓地下嘅公證署都被衝擊。4點半左右，群眾沿龍嵩街前往警廳，防暴警員施放催淚彈，並開槍射擊，造成兩人死亡。警方又出動防暴車駛去市政廳前，發射水炮，驅趕示威人士。總督隨後頒令戒嚴並實行宵禁。由於戒嚴緊急，好多居民無心理準備，其後幾日又有幾個人喺街上被亂槍射殺，一名居民甚至因伸個頭出窗外觀望被流彈擊中。據官方統計，有8人被打死，212人受傷，坊間就話有11人被打死。

1967年1月28號下晝，總督嘉樂庇到澳門中華總商會禮堂，簽署《澳門政府對華人各界代表所提出的抗議書的答覆》。「一二·三事件」至告一段落。