大帽山，又名大霧山，《香港雜記》繙做大磨山，係香港一山。海拔九百五十七米，係香港至高，高過第二嘅鳳凰山廿三米。大帽山處於新界中部，山體廣闊，坡度平緩，附近範圍劃入大帽山郊野公園之內。山系一帶，伸入大欖郊野公園同埋林村郊野公園。大帽山位於荃灣區同埋元朗區交界，小部分歸大埔區。