前海深港現代服務業合作區 係2010年8月26號由國務院批准而成立嘅一個經濟合作區，喺中國廣東省深圳市西邊嘅前海灣嗰度，蛇口同伶仃洋之間嘅位。按陸地嚟講係雙界河、月亮灣大道同媽灣大道三個之間嘅位；行政屬南山區同寶安區。佢嘅功能係規劃利用好香港嘅區位優勢，將呢個區定成深港合作先導區、體制機制創新區、現代服務業聚集區同結構調整引領區等四大區。