沙田海 又叫潮水灣 係香港近沙田一帶海面，喺城門河同大埔海之間，畀沙田、馬鞍山同馬料水夾住。自1960年代起，沙田海為咗沙田衞星城市以及之後沙田新市鎮發展，畀人填咗好多，填成城門河道一部份。

沙田站 係香港一個鐵路車站，喺港鐵東鐵綫之上。個站喺沙田排頭圍同田寮隔籬。呢個站係兩鐵合併之前係九廣東鐵嘅一個車站。沙田站早喺1910年開站，佢同埋粉嶺站係現時香港用緊嘅港鐵車站之中，用得最耐。

沙田馬場，係香港第二個賽馬場地，位於新界東部嘅沙田區，由香港賽馬會起同埋管理，1978年10月7號落成啟用。沙田馬場有草、泥地賽道共三條，草地跑道闊30.5米，1周長約1900米，容量為85,000人。場地水準世界一流，亦係亞洲頂級嘅賽馬場地。現時每年都舉行多項國際大賽，並吸引來自世界各地嘅頂級人馬喺呢處互相角逐。