陝西（粵拼：sim2 sai1），喺中國中間，家下係中華人民共和國一省，叫陝西省。佢簡稱陝或者秦，又叫做三秦，係中國嘅一個省份，嚮黃河中游。省會係西安市。
地圖
陝西舊時串做Shansi，有漢語拼音之後，就改做Shaanxi。正確來講應該係Shanxi，不過為咗唔好同山西個Shanxi撞，就改成Shaanxi。
陝西省嚮中國地圖嘅中心點，又叫中原地區，黃河中游，係中華民族同埋中華文明嘅起源。中國上古時代係雍州所在，炎帝同黃帝二帝嘅發源地同埋落葬地。
陝西省分為關中、陝北同埋陝南3部分。毗鄰湖北、河南、山西、甘肅、四川、內蒙古、寧夏同埋重慶。
