燃燒

燃燒（粵拼：jin4 siu1）係一樣嘢（燃料）同氧化劑（通常係大氣嘅氧）夠熱嘅情況下快速氧化，產生光同熱嘅化學反應，會出現有火焰同煙嘅火。

燃燒

完全燃燒同唔完全燃燒

完全燃燒

甲烷嘅燃燒

完全燃燒係指喺有燃料同充足嘅助燃物底行完全進行燃燒反應。當碳氫化合物喺氧氣度燃燒嗰陣，一般會出二氧化碳同水。化學元素喺燃燒嗰陣多數會出氧化物，例如碳會變成二氧化碳、硫會變成二氧化硫，鐵會變成氧化鐵噉。若果助燃物係氧氣，氮一般畀人當做唔會燃燒，但若果助燃物係空氣嘅話，就會形成少量嘅氮氧化物（NO_x）。

燃燒之後嘅產物嘅氧化數唔一定係最高，而且形成嘅氧化數同溫度有啦掕。譬如攞硫喺空氣度燒，唔容易形成三氧化硫。喺溫度過咗2,800 °F（1,540 °C）嗰陣，就會開始產生NO_x，再高溫啲NO_x就多啲。NO_x嘅量亦會隨住氧過量嘅比例而唔同^[1]。

唔完全燃燒

若果氧氣唔夠（即係唔完全燃燒），就會出一氧化碳，而人一旦吸入過多嘅一氧化碳就會喺一到兩個鐘頭入面暈低^[2]。噉係因為一氧化碳喺血度會同血紅蛋白（負責輸送氧氣畀唔同生物組織）反應，因而減慢氧氣輸送嘅速度，令個腦同第啲細胞缺氧，做唔到有氧呼吸。

睇埋

• 火三角
• 爆炸
• 自燃
• 偈（內燃機）

攷

1. The formation of NOx. Alentecinc.com. Retrieved on 2010-09-28.
2. 〈103年員警特考三等消防員警〉. 《104年一般員警四等行政員警人員歷年試題合輯》。千華數位文化。2015。頁 191。