Poe（全名Platform for Open Exploration）係美國Quora推出嘅一個流動應用程式，內置人工智能傾偈機械人，用戶可以提問或者畀一啲寫文任務，等機械人回覆。
Poe喺2023年2月推出嗰陣有三個傾偈機械人，包括OpenAI開發嘅Sage同Dragonfly，同埋獲Google注資嘅Anthropic開發嘅Claude。3月頭Poe引進建基喺GPT-3.5嘅ChatGPT，3月中隨OpenAI推出GPT-4，Poe引進GPT-4，同埋Anthropic嘅Claude+，不過呢兩隻機械人每日只可以免費用一次，想用多啲就要畀錢。
對大部份國家同地區嚟講，可以直接喺OpenAI網站用ChatGPT，Poe冇乜特別嘅賣點。但係由於香港係少數未獲OpenAI開放使用權嘅先進地方，所以吸引到唔少香港人用Poe體驗傾偈機械人嘅服務。
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
