2022年係平年,元旦係禮拜六。 Quick Facts 世紀: 20世紀 21世紀 22世紀 年代: 1990年代 2000年代2010年代 2020年代 2030年代2040年代 2050年代 年: 2017年 2018年 2019年 2020年2021年 2022年 2023年2024年 2025年 2026年 2027年 干支年: 1月1號到1月31號係辛丑年(牛年)2月1號開始係壬寅年(虎年) 年號: 民國一百一十一年 Close 1月1號:區域全面經濟夥伴(英文:Regional Comprehensive Economic Partnership)(RCEP)協定生效,超越歐洲聯盟成爲世界上最大嘅自由貿易協議(英文:Free trade agreement)。 1月2號:南非國會大樓(英文:Houses of Parliament, Cape Town)火燭。 1月3號:洪為民生日派對事件。 1月9號:2022年臺中市第二選舉區立委補選,由林靜儀當選。 1月9號到2月6號:2021年非洲國家盃喺喀麥隆舉行,由塞內加爾攞冠軍。 1月15號:湯加發生海底火山爆發,引發海嘯。 1月17號至1月30號:2022年澳洲網球公開賽。賽前男子單打衞冕冠軍祖高域畀澳洲當局運用權力兩度取消入境簽證,喪失爭取破紀錄第10個澳洲網球公開賽冠軍兼第21個網球四大滿貫冠軍嘅機會,未來三年重有機會唔准再入境澳洲。 2月3號:美軍喺敘利亞突襲伊拉克同黎凡特伊斯蘭國領袖阿布·易卜拉欣·哈希米·庫雷希藏身嘅地方,庫雷希引爆炸彈自殺。 2月4號到2月20號:2022年冬季奧林匹克運動會喺中華人民共和國北京舉行,挪威喺獎牌榜以16金、8銀、13銅一共37嚿獎牌,連續第二屆冬季奧林匹克運動會排第一,亦打破單屆最多金牌紀錄。 2月24號:俄羅斯入侵烏克蘭。 2月24號:香港開始實行疫苗通行證計劃。 3月1號:中國大陸正式實施《互聯網宗教信息服務管理辦法》。 3月1號:香港正式實施電話咭實名制。新買嘅電話卡需要實名登記,之前買落嘅電話咭就可以喺2023年2月23號前登記。 3月9號:第20屆韓國總統選舉,由尹錫悅當選。 3月21號:中國東方航空一客機由昆明長水國際機場飛去廣州白雲國際機場期間失事,機上132人咸不剌死晒。 5月5號:2022年英國地方選舉。 5月8號:第6屆香港行政長官選舉,由李家超當選。 5月15號:港鐵東鐵綫延綫(沙田至中環綫過海段)通車。 7月5號:許埈珥、雨果·迪米尼-科潘、詹姆斯·梅納德同馬林娜·維亞佐夫斯卡獲得2022年菲爾茲獎。 7月7號:約翰遜宣佈咗佢自己辭職英國首相。 7月8號:日本前首相安倍晉三畀人開鎗打死。41歲嘅海上自衛隊前成員山上徹也被捕。 7月21號:香港海洋公園獸醫總監馬伯樂上晝8點40分喺「香港賽馬會四川奇珍館」爲大熊貓安安進行安樂死,安安終年35歲。 7月21號:隔咗一個禮拜,意大利總理德拉吉再向總統馬塔雷拉請辭。 7月25號:香港男團MIRROR首次喺香港體育館舉行嘅演唱會MIRROR.WE.ARE LIVE CONCERT 2022開幕,係香港首個演唱會採用實名制飛。 7月28號:香港男團MIRROR喺香港體育館舉行嘅MIRROR.WE.ARE LIVE CONCERT 2022演唱會第四場,舞臺上面一塊4米乘4米、600公斤重嘅巨型屏幕突然冧咗,壓傷兩個舞蹈員,MIRROR經理人黃慧君上台宣佈演唱會因發生重大事故而即時腰斬。 8月2號:美國眾議院議長佩洛西專機夜晚降落臺北松山機場,展開訪問臺灣行程,係25年來訪問臺灣嘅最高級美國政治人。中國人民解放軍南部戰區各部隊進入高度戒備狀態。 8月29號至9月11號:2022年美國網球公開賽(英文:2022 US Open (tennis))。西班牙球員Carlos Alcaraz(西班牙文:Carlos Alcaraz)贏出男子單打冠軍後,以19歲4個月6日之齡成爲史上年紀最細嘅男子單位世界排名第一。 9月5號:中華人民共和國四川甘孜發生地震(中文:2022年泸定地震),最少88死400傷。 9月5號:數碼電視85台,無綫財經資訊台,並改名「無綫財經 體育 資訊台」。 9月6號:卓慧思接替約翰遜做英國首相。 9月8號:英國君主伊利沙伯二世喺蘇格蘭駕崩,皇儲威爾斯親王查理斯繼位做查理斯三世。 9月10號到9月25號:2022年亞洲運動會原定喺中華人民共和國杭州舉行,由於2022年3月上海嘅武肺聚集性疫情延期至2023年9月23號到10月8號。 9月16號:伊朗爆發阿米尼示威,抗議政府對穆斯林頭巾嘅法令 9月19號:英國君主伊利沙伯二世嘅國葬喺倫敦西敏寺舉行。 9月27號:日本首相安倍晉三嘅國葬喺日本武道館(日文:日本武道館)舉行。 10月6號到10月9號:2022年香港世界桌球大師賽喺香港體育館舉行,由朗尼奧蘇利雲贏咗。 10月8號:2022年克里米亞大橋爆炸(俄文:Взрыв на Крымском мосту),一架由塔曼半島開去克里米亞半島嘅貨車喺克里米亞大橋公路橋段爆炸,3死,克里米亞大橋最少兩處地方倒塌。 10月13號:北京四通橋抗爭。 10月14號:英國財政大臣關浩霆畀首相卓慧思免職,係第二次世界大戰後任期第二短嘅財政大臣。侯俊偉接任財政大臣。 10月16號到10月22號:中國共產黨第二十次全國代表大會喺北京人民大會堂舉行,中國共產黨中央委員會總書記習近平獲選連任,展開佢第三個總書記任期。 10月17號:法國足球員賓施馬首度攞到金球獎。 10月19號:香港特別行政區行政長官李家超發表任內頭一份《施政報告》。 10月19號:英國內政大臣柏斐文用私人電郵戶口處理公務,向首相卓慧思辭職獲批准,係繼財相關浩霆後一星期內第二位重要閣員離職。夏博思接任內政大臣。 10月20號:英國首相卓慧思辭職,成為英國歷嚟任期最短命嘅首相。 10月22號:意大利政府換屆,佐治亞·梅洛尼當選總理,係意大利史上頭一位女總理。 10月25號:2022年10月25號日食(英文:Solar eclipse of October 25, 2022)。 10月27號:伊隆馬斯克以440億美元私有化Twitter嘅交易完成。 10月29號:南韓首爾龍山區梨泰院萬聖夜活動發生人踩人事故,超過150死。 10月29號:索馬里首都摩加迪沙發生兩單汽車炸彈襲擊(英文:October 2022 Mogadishu bombings),最少121死350傷。索馬里青年黨承認責任。 10月29號:一列由100節車廂組成、全長約1.9公里嘅火車由瑞士普雷達開去貝爾金,沿途經過48座橋樑同22條隧道,創下最長載客列車嘅世界紀錄,慶祝當地175年前開始建立多條鐵路。 10月30號:印度古吉拉特邦一座過百年歷史嘅行人吊橋懷疑負荷過重斷裂(英文:2022 Morbi bridge collapse),約莫500人跌落水,最少141死。 10月30號:第24屆巴西總統選舉第二輪投票,由前總統盧拉再當選。 10月31號:天宮太空站(中文:天宫空间站)實驗艙II(又稱嗌夢天實驗艙(中文:梦天实验舱))喺海南文昌太空發射場(中文:中国文昌航天发射场)發射升空。 11月4號至11月6號:香港國際七人欖球賽自2019新型冠狀病毒疫情開始後首度回歸。 11月20號至12月18號:2022年FIFA世界盃喺卡塔爾舉行,由阿根廷足球代表隊攞冠軍。 11月21號:香港HOY 資訊台啟播。 11月26號:2022年中華民國直轄市長同縣市長選舉。 12月31號:香港嘅膠袋徵費調升至港元一緡。 杜拜雲溪塔落成。 德國閂晒國內嘅核電廠。 女皇伊利沙伯二世登基白金禧年紀念。 内文:2022年死