2016年夏季奧林匹克運動會

2016年夏季奧林匹克運動會，又叫第三十一屆夏季奧林匹克運動會、2016年里約熱內盧奧林匹克運動會，喺2016年8月5號至8月21號喺巴西里約熱內盧舉行。里約熱內盧係南美洲第一個主辦奧林匹克運動會嘅城市，又係第一個葡萄牙話城市主辦奧林匹克運動會，又係南半球第二個城市主辦奧林匹克運動會。2016年夏季奧林匹克運動會係巴西繼2014年FIFA世界盃之後又一運動盛事。

申辦過程

2009年10月2號，國際奧林匹克委員會喺丹麥哥本哈根確定由里約熱內盧舉辦第三十一屆夏季奧林匹克運動會。

2010年12月31號，巴西奧林匹克委員會喺當地時間夜晚正式發佈2016年里約熱內盧奧林匹克運動會會徽。

2011年11月26號，再正式發布2016年夏季傷殘奧林匹克運動會會徽。

賽事焦點

• 因應歐洲難民危機等難民權益問題，國際奧委會作出咗一個嘅史無前例嘅決定，由呢屆開始，奧運會難民代表團第一次出現喺奧運賽場上，總共有10位難民選手代表參加。
• 作為呢屆奧運會嘅東道主，巴西足球代表隊憑住尼馬、加比爾捷西斯等人嘅努力，終於攞到奧運男子足球金牌。
• 喺呢屆奧運會嘅射擊項目入面，科威特選手費希德·艾迪哈尼（Fehaid Al-Deehani）响男子雙多向飛碟攞到金牌，係科威特史上頭一位奧運冠軍，亦係頭一位贏得奧運金牌嘅奧運會獨立選手。

比賽項目

水上運動： 游水運動 韻律泳 跳水 水球 射箭 田徑 羽毛球 籃球 拳擊 馬術

扒獨木舟 輕艇激流 輕艇靜水 單車運動 場地賽 公路賽 山地賽 小輪車（BMX） 劍擊 足球 高爾夫球

體操： 競技體操 跳彈床 韻律體操 手球 曲棍球 柔道 現代五項 扒艇 七人欖球 帆船運動 射擊

乒乓波 跆拳道 網球 三項鐵人 排球： 室內排球 沙灘排球 奧運舉重 摔跤

出面網頁

• 2016年里約熱內盧奧運官方網站（葡萄牙文）（英文）
• 國際奧林匹克委員會