2002年汗卡拉嘅米26墜機事件
From Wikipedia, the free encyclopedia
喺2002年8月19號，一班車臣武裝戰士用 MANPAD（中文：單兵便攜式防空；英文：Man-Portable Air-Defense）系統，擊落咗一架俄羅斯米26直升機，導致127個俄羅斯士兵死咗，係直升機航空歷史上最多人命損失嘅事件。 呢單嘢係俄羅斯軍隊遇到嘅最致命航空災難，亦都係1999年第二次車臣戰爭開始以嚟，單日內死得最多軍人嘅一日[3]。
攻擊
喺2002年8月19號，車臣分裂分子發射咗一支俄羅斯製造嘅 9K38 Igla 肩射、熱追蹤地對空導彈，擊中咗第487獨立直升機軍團嘅一架超載嘅米26重型運輸直升機，架機喺車臣首都格羅茲尼附近嘅汗卡拉空軍基地急降、墜毀同埋燒毀咗。直升機係運送緊屬於唔同單位嘅142名士兵同軍官，大部分係嚟自北奧塞梯-阿蘭共和國（Republic of North Ossetia–Alania）Mozdok 市嘅俄羅斯空軍基地嘅第20警衛機動步槍師（Guards Motor Rifle Division）[4][5]。
根據俄羅斯軍事分析師 Pavel Felgenhauer 嘅講法：
當架米-26逼近汗卡拉（Khankala）嘅時候，導彈擊中其中一個引擎，直升機墜落喺一個聯邦軍事總部周圍嘅防禦地雷區。據報，部分幸存者企圖放棄失事嘅米-26，但係就俾嗰度嘅地雷炸死咗。
直升機裡面好多漏出嚟嘅油，機門又卡住咗，開唔到。只有5個機組人員同埋29個乘客能夠用駕駛艙嘅艙門成功逃生。喺跟住嘅幾日，其中14個幸存者因為嚴重燒傷而死咗。
喺墜機後，嚟自汗卡拉嘅俄羅斯部隊立即開始搜索襲擊者，不過只係搵到用過嘅 Igla 導彈。
事發後
喺2002年8月21號，俄羅斯總統普京宣布遇襲嘅第二日係全國哀悼日，因為呢場災難被媒體叫做「第二次庫爾斯克事件」（指嘅係2000年8月12號喺巴倫支海發生嘅庫爾斯克潛艇災難）。 分離主義新聞機構高加索中心（Kavkaz Center）形容呢次墜機係「車臣戰士兩年嚟最大嘅破壞行為」。包括《消息報》（Izvestia）在內嘅一啲俄羅斯媒體對軍方「如常咁」試圖隱瞞呢單嘢嘅傷亡數字表示憤怒。呢次墜機導致俄羅斯軍隊嘅航空司令維塔利巴甫洛夫（Vitaly Pavlov）上校被停職，佢後嚟喺九月辭埋職[6]。第487兵團嘅團長，Anatoly Kudyakov中校亦都因為疏忽而被定罪，原因係佢容許直升機超載，不過佢最終被判無罪[7][8]。
喺9月24號，美聯社喺土耳其嘅一間新聞機構嗰度攞到直升機墜落嘅片段，同埋車臣分離分子「總統」Aslan Maskhadov 嘅聲明，佢話：「呢架就係喺汗卡拉附近著火同跌落嚟嘅直升機，佢俾我哋嘅 Igla 防空導彈擊中咗。」 呢段片亦都係第一個影片顯示 Maskhadov 用伊斯蘭徽章同國旗，而唔係車臣國旗，同埋將佢身邊嘅戰士叫做「我哋嘅聖戰者」（our mujahideen），呢個影片俾出界視為佢明顯而突然噉轉向伊斯蘭教。
喺一餅無註明日期嘅錄影帶嗰度，Maskhadov 回憶起俄羅斯調查人員早期嘅官方版本，即係直升機因為技術困難而墜機，之後先至改口話架直升機係俾人擊落嘅；然後佢向據講係射落架直升機嘅戰士送咗一支手槍。 分離分子喺同一個月用 REN TV 頻率喺車臣嘅電視上播出錄影片段。
相信摧毀直升機嘅導彈係由格羅茲尼（Grozny）郊區嘅其中一間俾打仗破壞咗嘅五層高公寓嗰度發射出嚟。俄羅斯軍方為咗回應米-26被擊落，喺11月，喺親俄嘅車臣政府抗議之下，俄軍仍然將基地附近嘅已經處於半摧毀狀態嘅汗卡拉住宅區嘅幾棟建築物拆毀。最初 Boris Podoprigora 上校堅決否認，但係後嚟俄羅斯軍方發言人 Ilya Shabalkin 少將承認，佢話呢個行動嘅目的係阻止戰士喺基地附近嘅建築物埋伏。
結果有大約100個家庭無家可歸，而 NTV 報導話俄軍只係俾咗好短時間俾佢哋撤離，所以只可以攞啲簡單嘅個人隨身財物。關於呢件事，Shabalkin 將軍評論話當地居民「一直睇住啲匪徒準備恐怖襲擊，但係冇將佢哋嘅計劃通知執法人員」，咁做「被[俄軍]認為係教唆非法武裝組織，同埋參與犯罪陰謀」 。
對呢單嘢，俄羅斯車臣國家杜馬副總統 Aslambek Aslakhanov 要求車臣最高軍事指揮部作出解釋。喺八月，又有一架載咗兩個俄羅斯高級軍事官員嘅米-8直升機墜機，造成機上所有人死亡，據講呢次係由格羅茲尼嘅十月鎮（Oktyabrsky）地區發射嘅導彈引起嘅。
米-26 直升機嘅設計係可以載80個士兵，不過墜毀咗嘅直升機載咗142個乘客（根據 Timur Aliyev 嘅講法，「呢個本身就表明俄羅斯軍方唔願意用公路調兵，就算係喺北車臣呢啲遠離叛軍中心地帶嘅地方」）。據BBC引述《生意人報》（Kommersant）嘅報導，「米-26 經常飛去汗卡拉，機上載住100到110人，加上大量貨物，包括平價嘅 Ossetian 伏特加。」
Felgenhauer 寫話：「我曾經有一次搭過一架米-26，由莫茲多克去格羅茲尼，同大約50個服務人員同記者一齊，架直昇機仲載住一大堆，數以噸計嘅炮彈同其他彈藥。」 喺2003年，負責派遣直升機嘅俄羅斯官員，Alexander Kudyakov 中校，被指控疏忽同違反飛行規定，並被判有罪。 真理報（Pravda）評論話 Kudyakov 「必須成為代價羔羊」，而根據 Kudyakov 本人嘅講法，法官話佢一開始就應該拒絕去車臣。
一個被指控運送導彈、準備發射同拍攝襲擊嘅車臣人，27歲嘅格羅茲尼居民 Doku Dzhantemirov，喺2004年4月被判犯咗策劃同進行「恐怖行為」。佢被控「恐怖主義、預謀謀殺同特別殘忍、匪徒行為同埋企圖謀殺軍人」而被判終身監禁，亦都被判需要向每個受害者嘅親戚支付10萬盧布（3500美元）同埋支付5萬盧布（1720美元） ）俾每個幸存者。 喺審判中，Dzhantemirov 堅持自己唔係恐怖分子，而係Ichkeria 州嘅士兵。另外，俄軍繼續搜索4個被指參與襲擊嘅車臣人。
參考
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
