黃地峒

黃地峒（Wong Tei Tung；峒讀洞）係香港東北部一座山仔，響大埔海對出嘅赤門海峽中間，西貢北企嶺下海東岸，即係響西貢西郊野公園範圍裏面，榕樹澳到深涌中段^[1]。

名

峒舊時輋人村嘅叫法。

山

山高154米，東面同石屋山相連，西麓面向企嶺下海，西坡坡度有23°到38°，局部只有10°左右嘅緩坡^[2]。

舊石器時代

黃地峒遺址，係舊石器時代遺址，坐落響東經114°17’，北緯22°26’N。遺址東面係黃地峒山西麓50米到60米等高線處，西面落到去海邊潮間帶下面嘅淺海，南起鰲魚頭，北至深涌碼頭南約600米處^[1]。黃地峒遺址，基岩係早侏羅紀赤門海峽組，為粗粒火山灰凝灰岩，其上層爲薄層狀凝灰岩同埋凝灰岩，夾層有砂岩、粉砂岩同泥岩。遺址岩層基本上呈西北至東南走向，傾向35°到110°，傾角15°到57°。局部有折曲構造^[1][2]。

舊石器時代，因為係冰河時期嘅緣故，成個大埔海一帶都係山谷，家下海邊當時響山腰之上，係畀人採石用。

註

1. 〈香港西貢黃地峒遺址2005年度第一次正式發掘簡報〉 (PDF)。香港考古學會。2005。原著 (PDF)喺2007-09-28歸檔。喺2009-10-20搵到。
2. 張鎮洪 (2006)。〈淺談生態環境的變化與文化形成和發展的關係——試以香港深涌黃地峒遺址爲例進行分析。嶺南文化珠江來〉。中國評論學術出版社。原著喺2007-09-27歸檔。喺2009-10-20搵到。