From Wikipedia, the free encyclopedia
呢篇嘢講嘅係2007年12月到2016年2月嘅香港數碼電視第85頻道。
頻道嘅影像用 H.264/MPEG-4 AVC 格式編碼，畫面比例係 16:9。喺大部分高清節目播嘅時候，右下角都會有一粒「HD」嘅標誌，由2008年11月起，為配合台慶，加入咗「TV Buddy」飛出嚟嘅動畫，到而家都重用緊。
聲音方面，高清翡翠台用Dolby AC-3編碼；而家TVB拍嘅電視劇暫時冇環迴立體聲，淨係會用立體聲播放，但係如果外購嘅電視劇集同電影有用環繞聲，就有埋環繞聲效果。
高清翡翠台喺2007年12月29號起試播，高清翡翠台同翡翠台同步播出外購高清電影《愛君如夢》。
2007年12月31號夜晚7點，高清翡翠台啟播，並製作《數碼電視新紀元》開播典禮，當晚7點半播出首個全高清自製節目《東張西望》，然後係TVB自製高清處境劇，緊接嘅係《翡翠高清首映禮》、《奧海城全城狂歡邁向2008》，同埋《「幻彩詠香江」除夕倒數》，以上節目都用全高清，無用增線技術，除咗《東張西望》嘅部分採訪片段，因為高清攝錄架生唔夠，唯有用標清攝錄器材拍攝。
呢條高清頻道主要播放無綫電視製作嘅高清劇集、綜藝節目、紀錄片，同外購紀錄片、外購劇等。啟播當晚，無綫電視製作大型節目同晚宴，用高清放映。播放初期，每日放映唔少過4個鐘真正以高清攝製嘅自製或外購節目，而其餘時間就會用增線技術，將唔係高清解像度的節目提升至1080i放映；而2008年下半年，將會有多過75%嘅時間以全高清放映。
每日嘅部分黃金時段，呢條頻道同翡翠台同步播放；高清頻道全部節目以高清或經過增線嘅技術播，或重播當日嘅高清節目。另外，當日娛樂直播嘅節目係翡翠台前日嘅節目，與翡翠台同步播放，同步播放時，翡翠台嘅畫面頂部標示為「較早前錄影」。
無綫電視喺2008年7月13號開始改為16:9標清拍攝及播放，並計劃喺北京奧運後播高清新聞，而呢條頻道喺北京奧運期間全日播放奧運賽事（包括直播同重播奧運賽事）。
TVB奧運頻道係無綫電視同馬來西亞Astro一齊開辦嘅奧運頻道，喺2008年8月7號啟播，2008月8月27號停播。
呢個頻道播出嘅節目同高清翡翠台一樣。而係高清翡翠台播緊其他節目嘅時候，呢個頻道就會以TVB奧運宣傳片、本地嘅廣告同埋奧運歌曲MV嚟填時間，高清翡翠台播番奧運節目嘅時候，呢個頻道亦都會一齊播映。呢條頻道喺北京奧運完咗之後嘅兩日內（即係8月25同埋8月26號）重播《北京奧運開幕式》同埋《北京奧運閉幕式》，最後一個節目係《京奧最難忘》。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
