馬尾松

馬尾松（粵拼：maa5 mei5 cung4；學名：Pinus massoniana）；第個名係山松（saan1 cung4）或青松（cing1 cung4）；佢係松科松屬嘅常綠喬木，原產地喺中國嘅淮河以南、日本嘅琉球群島同越南。呢種植物喺松林界入面，佢係生命力最犀利同生得最快嘅松樹，甚至係綠化嘅先鋒樹。

How to read a taxobox 馬尾松
喺廣西桂林鄉下入面種嘅馬尾松
瀕危指標
File:Status IUCN2.3 LC.svg Least concern (LR/lc)
物種分類
界 植物界 Plantae 門 松柏門 Pinophyta 綱 松柏綱 Pinopsida 目 松柏目 Pinales 科 松科 Pinaceae 屬 松屬 Pinus 種 馬尾松 P. massoniana
二元學名
Pinus massoniana Lamb.

名

呢樖嘢由於佢嘅針葉生到好似啲馬尾噉先至改咗噉嘅名。

形態

呢樖嘢一般有40米高，樹徑大概2m。樹葉又幼又軟，2針／束；而佢嘅果喺側面睇係蛋形，表面睇係圓錐體；啲核有對翼響度。

適應環境

呢種植物鍾意喺酸性嘅泥土嗰度生。尤其係啲樹仔生得比較快，如估可以整成林嘅話，唔使幾年就可以搞出好似個林海嘅大樹林出嚟。

用途

呢種樹木嘅用途比較多，可以用喺建築、礦柱、枕木等木材用途；而樹幹重可以收集松脂，可以整成松香出嚟；而木材喺脫脂之後，重可以整成紙都得；針葉重可以提煉揮發油、維他命C同纖維嘅原料，啲核重可以榨油都得。另外，佢嘅花粉同瘤狀節重可以做藥。

藥用價值

馬尾松嘅花粉同瘤狀節可以做藥，有以下呢啲功效：

部位	專門醫呢啲病
花粉	頭暈頭痛、中虛胃疼、久痢、諸瘡濕爛，創傷出血。
瘤狀節	風濕痹痛、轉筋攣急、腳氣痿軟、膝頭𠵩風濕，跌損搞出嘅瘀血。

文化

中國內地——松香第一大國

喺中國內地一講到松香，佢係全球最出名喇。因為中國內地嘅松香產量喺全世界範圍入面係排第一嘅，有90%都係出喺呢樖樹度。

廣州地名

喺廣州地區嘅雲苑新村附近嗰邊，有幾條街道同居委會都係用咗「松柏」嚟做名嘅。就係因為之前未開發嗰時重係一片鄉下，嗰度種咗好多馬尾松同側柏先至改咗噉嘅名。

香港地名

喺香港嗰度有個嗌「松仔園」嘅地名，係因為之前種咗好多馬尾松先至改咗噉嘅名。

詩句

四川有位叫陳毅嘅無產階級革命家，曾經喺抗日戰爭嗰時，喺贛南山區俾日本仔圍住嗰陣寫咗首大雪壓青松嘅詩出嚟。而詩句入面講嘅樹就係馬尾松。

有關嘅書

• 中国少年儿童百科全书 自然·环境 第430页　浙江教育出版社 ISBN 7-5338-1946-2/G·1942

出面網頁

• 昆明植物研究所。〈马尾松〉。《《中国高等植物数据库全库》》。中国科学院微生物研究所。喺2009-02-25搵到。
• 馬尾松 Maweisong 藥用植物圖像資料庫 (香港浸會大學中醫藥學院) （中文）（英文）