香港議會選舉籌備委員會

  提示：呢篇文講嘅唔係香港區議會或香港立法會。

香港議會選舉籌備委員會（中文簡稱：香港議會籌委會；英文：Hong Kong Parliament Electoral Organizing Committee／HKPEOC）於2022年7月27號喺加拿大多倫多宣佈成立，當時開名嘅成員包括袁弓夷、何良懋同梁頌恆。其目標為令到靠民主選舉產生嘅香港議會（英文：Hong Kong Parliament／HK Parliament／HKP）於2023年浮頭，成為代表香港人嘅政治機關，同中共授權而非人民授權嘅香港特區政府唱對台。香港保安局於2022年8月3號宣佈香港警察按照國安法通緝上述三人。梁頌恆於2022年12月30號聲明退出該組織。^[1][2][3][4]

理念傍目標

香港議會籌委會認為民主係天賦人權嘅一部分，每個人都應該享受到民主選舉。佢哋認為自從港區國安法正式實施後，立法會已不能再代表香港人，所以需要自行設立議會。^[5]

責任

• 確保選舉同議會係公平、公正同透明
• 協助當選議員熟習並履行其職責
• 協助香港議會成立，但議會嘅規畫同策略由當選咗嘅議員制定。香港議會籌委會並唔會影響議會規畫同角色^[6]

工作進度

香港議會籌委會喺2022年7月27號嘅記者會上宣佈成立後，喺2023年7月1號嘅國安法研討會上發佈選舉法初稿。^[7]

選舉法初稿內容

1. 依照聯合國《公民權利和政治權利國際公約》第二十五條，所有香港公民皆有權參與公共事務並享受平等嘅選舉與被選舉權。而為咗確保選舉公平、公正、透明，選舉流程將接受國際監察人員和選舉委員會嘅監督。
2. 任何參選人需取得唔少於總有效選票嘅3%。先可以獲得議會議席
3. 任何年滿16歲嘅香港公民都有權投票
4. 任何年滿21歲嘅香港公民都有權參選
5. 香港議會籌委會將設立獨立選舉委員會，負責舉辦普選同監察選舉過程
6. 將設立選舉糾紛解決機制，呢個機制將會處理選舉過程中嘅不公行為同選舉結果引起嘅爭議
7. 所有候選人有權平等向公眾表達佢立場同政策建議
8. 議會將設有35席，如果候選人數目不足，議席數量將會係候選人數目嘅80%
9. 議員任期將會係4年
10. 第一屆選舉將只會有一個超級選舉
11. 選舉程序包括透明、競爭、選票投放、開票同選舉結果公告等環節
12. 選舉經費上限為20萬美金
13. 選委會委託國際機構監察選舉
14. 如有發現選舉舞弊，將取消參選人資格
15. 選舉法鼓勵公眾討論選舉改革
16. 如議員喺任期內未能完全履行議員職責，選委會將展開補選^[8]

攷

1. 〈為"一人一票"真普選 海外港人正式啟動香港議會選舉籌備工作〉。《美國之音》。喺2022-08-05搵到。
2. 〈海外港人籌備明年「香港議會」普選 望國際承諾港人公投自決〉。Radio Free Asia (香港中文)。喺2022-07-28搵到。
3. 〈駐港國安公署嚴正警告海外亂港分子：任何亂港行徑必將受到嚴懲 | 時政 - 香港中通社〉。www.hkcna.hk。喺2022-08-03搵到。
4. 〈我謹此聲明辭去香港議會籌備委員會的一切職務，即時生效。... - 梁頌恆 Baggio Leung〉。www.facebook.com (英文)。喺2023-01-17搵到。
5. 〈關於香港議會選舉籌備委員會 (香港議會籌委會)〉 (香港中文)。2023-05-04。喺2023-07-23搵到。
6. 〈關於香港議會選舉籌備委員會 (香港議會籌委會)〉 (香港中文)。2023-05-04。喺2023-07-23搵到。
7. 《紀念七一：三藩市唐人街中山紀念堂直播( 美西11am)》 (英文)，喺2023-07-23搵到
8. 〈香港議會選舉法草擬諮詢文件.pdf〉。Google Docs。喺2023-07-23搵到。

拎

• Hong Kong Parliament Electoral Organizing Committee – Hong Kong Parliament Electoral Organizing Committee 官方網站
• Hong Kong Parliament 香港議會籌委 Facebook
• Hong Kong Parliament 香港議會籌委 Instagram
• Hong Kong Parliament 香港議會籌委 Twitter
• Hong Kong Parliament 香港議會籌委 YouTube Channel