香港政治人物學歷爭議

喺香港，有啲議員或政治人喺宣傳自己或者同公眾溝通嘅時候，都會提到自己嘅學歷。不過，當中就有人試過陷入爭議，甚至被指控擁有來自野雞大學嘅假學歷。

涉事政治人物列表

人物	所屬政黨 / 陣營	有爭議之學歷	爭議所在
葛珮帆	傳統親中派民建聯	Greenwich University 哲學博士（管理）、工商管理碩士、工商管理學士	2007年傳媒報導，呢間大學只係未經評審嘅「文憑工廠」，學位未獲澳洲同美國政府承認[1]，整個課程費用唔使一萬美金[2]。被泛民主派質疑嘅時候，葛博士回應話「用9年時間好辛苦讀返嚟，係捱返嚟嘅」，但被問到見證佢博士學歷嘅論文嗰陣，佢就話無留底[3]。
鄭琴淵	傳統親中派民建聯	菲律賓太歷國立大學教育管理博士課程	鄭琴淵被揭發喺2012年5月經香港管理專業協會(HKMA)入讀菲律賓太歷國立大學（TSU）教育管理博士課程，翌年4月畢業，相比HKMA網頁所指嘅三年修讀期差別很大。另外，鄭琴淵報讀嘅教育博士課程，本來要讀16個學科，但TSU發出嘅課程紀錄就顯示她只讀了四科，其餘12科都係以學分轉移（credit transfer）方式豁免修讀。學者成名指，16科豁免12科，比例實在太高。而教育學院前講師，立法會議員葉建源也認為鄭嘅情況唔合理，因為管理教育機構嘅學科難以同社會科學拉上關係[4][5] 。 鄭接受記者就有關事情查詢嗰陣，佢就話記者喺度挖瘡疤[2]，另外佢曾經主動入稟高院，承認選舉期間聲稱擁有嘅哲學博士學歷，係屬於虛假同誤導嘅資料，向法庭申請免責並確認當選有效[5]。但當時她向法庭宣稱「將獲頒發」嘅博士學歷、進展，同結果都「不知所終」[6]。
周錦威	傳統親中派自由黨	美國皇家百聖大學	佢曾經被質疑冇喺讀過博士同交過論文，但就標榜自己博士頭銜有欺騙市民之嫌。佢之後就話只係自己捐過幾十萬畀美國皇家百聖大學，對方畀番一個榮譽博士學位佢表示謝意。但呢間大學認受性亦受到一定質疑[7]。
柯創盛	傳統親中派民建聯	Nottingham Trent University	柯創盛對外聲稱有碩士學歷，但最初無申報自己喺邊間大學度讀，被記者問到就答唔出，仲話『遲啲補充畀你』[8]。之後，佢聲稱曾入讀英國大學（Nottingham Trent University）嘅工商管理碩士課程，但校方喺學生紀錄入面，就搵唔到柯創盛嘅名[1]。
何君堯	激進親中陣營新界大聯盟	英國州瑪高等教育學院	何君堯曾經聲稱自己1984年喺英國州瑪高等教育學院（現為安格里亞魯斯金大學）攞到榮譽法律學士學位，但安格里亞魯斯金大學喺1992年才成立，英國州瑪高等教育學院之前只係專上學院，有網民質疑何當年所獲嘅唔係學士學位，只係專上教育文憑。何君堯回應事件嘅時候，就攻擊網民，話人鍾意算舊賬，有心理上嘅缺憾，只係識得諗屎橋，又叫啲人唔好理佢嘅學位邊度嚟，總之就唔係野雞[9]。

外間反應

對於親中陣營唔少人擁有具爭議嘅學歷，泛民主派有部分人士除咗會公開質疑，甚至會作出法律行動。例如，喺2016年香港立法會選舉，喺九龍東出選嘅民主黨胡志偉，亦曾經喺選舉論壇上質疑柯創盛（柯碩士）^[10]。有「長洲覆核王」之稱嘅郭卓堅，就曾經就葛珮帆同柯創盛嘅學歷入稟法院，指責佢哋誤導選民，要求取消佢哋嘅議員資格^[11]。

參考

1. 黎梓緯 (2016-10-03)。〈【立法會學歷】容海恩更正法律博士 柯創盛葛珮帆學歷仍空白〉。《香港01》 (香港中文)。原先內容歸檔喺2021-10-29。喺2021-10-29搵到。
2. 〈新聞追擊民建聯「山卡罅」博士〉。《壹週刊》。{{cite journal}}: CS1 maint: url-status (link)
3. 〈民建聯「山卡罅」博士〉。hk.nextmgz.com。喺2021-10-29搵到。{{cite web}}: CS1 maint: url-status (link)
4. 〈反佔中陳曼琪　一年讀畢博士鄭琴淵　擊敗傘兵連任〉。《立場新聞》。2015-11-23。原先內容歸檔喺2019-08-19。喺2020-08-09搵到。
5. 〈學位醜聞連環爆 港姐蔡思貝、區議員鄭琴淵　靠博士工廠極速畢〉。《蘋果日報 (香港)》。2015-11-13。原先內容歸檔喺2019-10-09。喺2020-08-09搵到。 {{cite web}}: Cite has empty unknown parameter: |dead-url= (help)
6. 〈民建聯區議員鄭琴淵學歷風波另有內情？消失的「嶺大博士學位」〉。《惟工新聞 ｜ WKNews》 (英文)。2015-12-07。原先內容歸檔喺2017-08-13。喺2021-10-29搵到。
7. 〈政情：博士銜惹質疑 周錦威澄清〉。《東方日報》 (香港中文)。喺2024-03-03搵到。
8. 〈碩士學歷受質疑 民建聯柯創盛被問邊間大學畢業：遲啲補充畀你 | 立場報道 | 立場新聞〉。《立場新聞 Stand News》。原先內容歸檔喺2021-10-29。喺2021-10-29搵到。
9. 〈立法會親北京候選人疑似謊報學歷被質疑〉。《RFI - 法國國際廣播電台》 (繁體中文)。2016-08-27。原先內容歸檔喺2021-10-29。喺2021-10-29搵到。
10. 《民主黨 The Democratic Party - 胡志偉：柯創盛，其實你哋民建聯有好多同事嘅學歷都受到質疑，包括鄭琴淵、葛珮帆仲有鍾樹根。其實民建聯有... | Facebook》 (英文)，喺2021-10-29搵到
11. 朱棨新 (2021-01-22)。〈指葛珮帆柯創盛何君堯虛報學歷及資格 郭卓堅求DQ三人被拒〉。《香港01》 (香港中文)。原先內容歸檔喺2021-10-29。喺2021-10-29搵到。